ৰূপহীহাট,১৫ আগষ্ট: স্বাধীনতা দিৱসৰ (Independence Day) প্ৰতি লক্ষ্য ৰাখি ৰাজ্যৰ চৌদিশে কটকটীয়া নিৰাপত্তা বেষ্টনী গঢ়ি তোলা হৈছে । অসমৰ চাৰিওফালে আৰক্ষীয়ে চোকা দৃষ্টি ৰাখিছে । এনে সময়তে নগাঁও জিলাত অপৰাধীৰ বিৰুদ্ধে আৰক্ষীৰ অভিযান অব্যাহত আছে ।
অভিযানৰ মাজতে আৰক্ষীৰ হাতত গ্ৰেপ্তাৰ এটা দুৰ্ধৰ্ষ ডকাইত । ৰূপহীহাটৰ শিঙিমাৰীত চলোৱা অভিযানত পিষ্টলসহ আৰক্ষীয়ে গ্ৰেপ্তাৰ কৰিবলৈ সক্ষম হয় ডকাইতটোক । গোপন সূত্ৰৰ খবৰৰ ভিত্তিত কলিয়াবৰ মহকুমা আৰক্ষী বিষয়া মৃন্ময় দাসৰ নেতৃত্বত চলোৱা হৈছিল এই অভিযান ।
ধৃত ডকাইতটো হৈছে নাচিবুৰ ৰহমান । নাচিবুৰৰ বাসগৃহৰ পৰা আৰক্ষীয়ে .২২ পিষ্টলসহ সজীৱ গুলী উদ্ধাৰ কৰিবলৈ সক্ষম হয় । নাচিবুৰ ৰহমানৰ বিৰুদ্ধে বিভিন্ন ধৰণৰ অপৰাধৰ লগত জড়িত থকাৰো অভিযোগ আছে ।
লগতে পঢ়ক : যোৰহাটৰ কাছাৰী মৈদানত উদযাপন ৭৫ সংখ্যক স্বাধীনতা দিৱস
