বঢ়মপুৰ, 17 মে': লক ডাউনৰ সময়ছোৱাত হাহাকাৰ অৱস্থাৰ সৃষ্টি হৈছে ৰাজ্যৰ হাজাৰ দৰিদ্ৰ পৰিয়ালৰ মাজত ৷ আৰ্তজনক সহায় কৰিবলৈ আগবাঢ়ি আহিছে ইজনৰ পিছত সিজন সুহৃদয় লোক ৷ দেওবাৰে নগাঁও জিলাৰ বঢ়মপুৰ সমষ্টিৰ তেতেলীসৰাত খাদ্য সামগ্ৰী বিতৰণ কৰে মীন বিভাগৰ জ্যেষ্ঠ বিষয়া পদ্মকান্ত হাজৰিকাই ৷ পদ্মকান্ত হাজৰিকাৰ লগতে খাদ্য উপস্থিত থাকে গণ শিল্পী সূৰ্য দাস ৷ আৰ্তজনক খাদ্য বিতৰণ কৰিবলৈ আহি চকু সেমেকি উঠে ল'ৰালি কালত নিশাৰী নৈ বুকুত সাতুৰি নাদুৰি ডাঙৰ হোৱা গণ শিল্পী সূৰ্য দাসৰ ৷
ইয়াৰ পাছতে মানুহৰ গান গাই গাই শিল্পী জনে আনজন তেতেলিসৰাৰ সন্তান পদ্ম হাজৰীকাৰ লগ হৈ নিজ জন্মভূমিৰ গৃহ বন্দী ৰাইজৰ মাজত বিতৰণ কৰে খাদ্য সামগ্ৰী ৷ উল্লেখ্য যে, কৰ্মসূত্ৰে গুৱাহাটীত থকা মীন বিষয়াজনে লগত খাদ্য সামগ্ৰী লৈ নিজ জন্মভূমিৰ তেতেলিসৰাত দ্বিতীয় বাৰৰ বাবে আৰ্তজনৰ মাজত বিতৰণ কৰে চাউল, দালি, আলু, পিঁয়াজ, তেল আদি খাদ্য সামগ্ৰী ৷
উল্লেখ্য যে, মুঠ 12 খন গাঁৱৰ প্ৰায় 5 শতাধিক পৰিয়ালৰ মাজত খাদ্য সামগ্ৰী বিতৰণৰ বাবে প্ৰস্তুতি চলোৱাৰ কথা উল্লেখ কৰে মীন বিভাগৰ জ্যেষ্ঠ বিষয়া পদ্মকান্ত হাজৰিকাই ৷
লগতে পঢ়কঃ ৰাজহুৱা খণ্ডৰ উদ্যোগৰ ব্যক্তিগতকৰণৰ বিৰোধীতা দেৱব্ৰত শইকীয়াৰ
