চামগুৰি,8 মে ’ : নগাঁও জিলাৰ উপায়ুক্তৰ নিৰ্দেশ মৰ্মে তাৎক্ষণিকভাৱে বলবৎ হোৱাকৈ পুৰণিগুদামৰ চলচলি ৰঙীয়া গাঁৱৰ এটা অঞ্চল কন্টেইনমেন্ট জ’ন ঘোষণা কৰিলে নগাঁও জিলা প্ৰশাসনে । লক্ষ্যণীয়ভাৱে গাঁও খনত 30 গৰাকীকৈ লোকৰ দেহত ধৰা পৰিছিল ক’ভিড- 19 পজিটিভ ।
উল্লেখযোগ্য যে, চামগুৰি ৰাজহ চক্ৰ বিষয়া আৰু পুৰণিগুদাম ৰাজ্যিক চিকিৎসালয়ৰ চিকিৎসকৰ উপস্থিতিত শনিবাৰৰ পৰা কাৰ্যকৰী হোৱাকৈ আগন্তুক পোন্ধৰ দিনৰ বাবে অঞ্চলটো কন্টেইনমেন্ট জ‘ন হিচাপে ঘোষণা কৰিছে প্ৰশাসনে । মনকৰিবলগীয়া যে, এখন বিবাহক কেন্দ্ৰ কৰি গণ সংক্ৰমণ হৈছিল অঞ্চলটোত ।
ইপিনে অঞ্চলটোত মেডিকেলকে আদি কৰি অত্যাৱশ্যকীয় সামগ্ৰীৰ ক্ষেত্ৰত সকলো ব্যৱস্থা প্ৰশাসনৰ তৰফৰ পৰা কৰা হ’ব বুলি জানিব পৰা গৈছে । আগন্তুক দিনত উক্ত অঞ্চলত বাস কৰা বা বাহিৰৰ লোকৰ ক্ষেত্ৰত অহা যোৱাত সম্পূৰ্ণ ৰূপে নিষেধাজ্ঞা জাৰি কৰি মাইক যোগে সকলোকে অৱগত কৰে চক্ৰ বিষয়া গৰাকীয়ে ।
লগতে পঢ়কঃ আমাৰ দলত সকলোৱে সম্পদ : ৰঞ্জিৎ দাস
