নগাঁও, 23 অক্টোবৰঃ ৰাজ্যত অব্যাহত চোৰাং গৰু সৰবৰাহৰ ৰমৰমীয়া ব্যৱসায় ৷ আৰক্ষী-সাংবাদিকক মেনেজ কৰাৰ নামত কাছাৰৰ কাটিগড়াৰ আমাৰুল ইছলাম চলাইছে চোৰাং গৰু সৰবাৰহৰ বিশাল সাম্ৰাজ্য ৷ আমাৰুল আৰু সহযোগী মাতাব উদ্দিন আৰক্ষীৰ জালত পৰাৰ পাচতেই পোহৰলৈ আহিছে গৰু চিণ্ডিকেটৰ এই ভয়াৱহ তথ্য ৷
মধ্য অসমত কোনে নিয়ন্ত্ৰণ কৰিছে গৰুৰ চিণ্ডিকেট
মঙলবাৰে নিশা নগাঁও আৰক্ষীয়ে অভিযান চলাই জব্দ কৰে দুখনকৈ গৰু ভৰ্তি ট্ৰাক ৷ ট্ৰাক দুখনৰ পৰা আৰক্ষীয়ে জব্দ কৰে প্ৰায় ৮২ টাকৈ গৰু ৷ নগাঁৱৰ উপ আৰক্ষী অধীক্ষক মানস শইকীয়াৰ নেতৃত্বত আৰক্ষীৰ এটা দলে অভিযান চলাই আটক কৰে ট্ৰাকদুখনৰ চালক সহ 9 জনকৈ লোকক ৷ লগতে মেঘালয়ৰ পঞ্জীয়নভুক্ত এখন চুইফ্ট ডিজায়াৰ বাহনসহ প্ৰায় চাৰিলাখ টকা জব্দ কৰে আৰক্ষীৰ দলটোৱে ৷
