নগাঁও,15 ফেব্ৰুৱাৰী: নগাঁৱৰ এখন ধাবাত দীপা কৰ্মকাৰক সাক্ষাৎ বলীউডৰ ষ্টাৰ আয়ুস্মান খুৰানাৰ ৷ নগাঁৱৰ বাইপাছৰ এখন ধাবাত দেশৰ দুই তাৰকাৰ সাক্ষাৎ হয় । দুই তাৰকাৰ সাক্ষাতক লৈ উখল-মাখল হৈ পৰে নগাঁৱৰ বাইপাছৰ চাকদে ধাবা ।
উল্লেখ্য যে, এখন নতুন হিন্দী ছবিৰ শ্বুটিঙৰ বাবে অসমলৈ অহা বলীউডৰ তাৰকা আয়ুস্মান খুৰানা শনিবাৰে নিশা হঠাৎ নগাঁৱৰ চাকদে ধাবাত উপস্থিত হয় । একে সময়তে নগাঁৱত উপস্থিত হোৱা আন্তঃৰাষ্ট্ৰীয় পৰ্যায়ত খ্যাতি অৰ্জন কৰা দেশৰ আগশাৰীৰ জিমনাষ্টিয়ান দীপা কৰ্মকাৰক সাক্ষাৎ কৰাৰ ইচ্ছা প্ৰকাশ কৰে বলীউডৰ তাৰকাগৰাকীয়ে ৷
পৰৱৰ্তী সময়ত নগাঁৱৰ ক্ৰীড়া সংগঠক তপন কুমাৰ দাসৰ তৎপৰতাত ধাবাখনতেই সাক্ষাৎ হয় দুই তাৰকাৰ ৷ অভিনয় জগতৰ আয়ুস্মান খুৰানা আৰু ক্ৰীড়া জগতৰ দীপা কৰ্মকাৰৰ উপস্থিতিত ধাবাখনৰ ভিতৰে বাহিৰে এক উখল-মাখল পৰিৱেশ সৃষ্টি হোৱা পৰিলক্ষিত হয় । দুয়োগৰাকী তাৰকাক ধাবাৰ তৰফৰ পৰা সম্বৰ্ধনা জ্ঞাপন কৰে ৷
লগতে পঢ়ক:নতুন অসমীয়া ছবি ‘একলব্য’ৰ প’ষ্টাৰ মুকলি
