নিউজ ডেস্ক, 23 জুন : ভাৰতীয় জনসংঘৰ প্ৰতিষ্ঠাপক সভাপতি ড৹ শ্যামা প্ৰসাদ মুখাৰ্জীৰ পুণ্য তিথি উপলক্ষে বুধবাৰে সমগ্ৰ দেশতে বলিদান দিৱস পালন কৰা হয় । ড৹ শ্যামা প্ৰসাদ মুখাৰ্জী জৱাহৰলাল নেহেৰুৰ কেবিনেট মন্ত্ৰী আৰু স্বাধীন ভাৰতৰ প্ৰথমজন উদ্যোগ আৰু বাণিজ্যিক মন্ত্ৰী আছিল । কিন্তু পিছত তেওঁ কুখ্যাত নেহৰু-লিয়াকত চুক্তিৰ বিৰোধিতা কৰি নেহৰুৰ মন্ত্ৰীসভা ত্যাগ কৰে । ড৹ শ্যামা প্ৰসাদ মুখাৰ্জীয়ে ভাৰতৰ অখণ্ডতা আৰু সাৰ্বভৌমত্ব সুৰক্ষিত কৰাৰ বাবে জম্মু-কাশ্মীৰৰ পৰা ৩৭০ নং অনুচ্ছেদ বাতিল কৰাৰ বাবে জীৱন উৎসৰ্গা কৰিছিল ৷
নগাঁৱৰ বিৰহ-বেবেজীয়াস্থিত ভাৰতীয় জনতা পাৰ্টীৰ খাগৰিজান মণ্ডল সমিতিৰ কাৰ্যালয়ত বুধবাৰে বলিদান দিৱস উদযাপন কৰা হয় । বিজেপিৰ খাগৰিজান মণ্ডল সমিতিৰ সভাপতি হৰিচৰণ ডেকাই সভাত ড৹ শ্যামা প্ৰসাদ মুখার্জীৰ চিন্তাধাৰা আৰু ত্যাগৰ বিষয়ে ব্যাখ্যা কৰাৰ লগতে ভাৰতীয় জনতা দলৰ জন্ম, বিকাশ আৰু বৰ্তমানৰ কার্যাৱলীৰ বিষয়ে আলোকপাত কৰে ৷ অনুষ্ঠানৰ লগত সংগতি ৰাখি সভাৰ শেষত খাগৰিজান মণ্ডল সমিতিৰ কার্যালয়ৰ চৌহদত গছপুলি ৰোপণ কৰা হয় ।
ডিব্ৰুগড় জিলাৰ দুলীয়াজান বিধানসভা সমষ্টিৰ অন্তৰ্গত টেঙাখাত গাঁও পঞ্চায়তৰ ৫৪ নং বুথতো বুধবাৰে ভাৰতীয় জনসংঘৰ প্ৰতিষ্ঠাপক সভাপতি শ্যামা প্ৰসাদ মুখাৰ্জীৰ স্মৃতিত বলিদান দিৱস পালন কৰা হয় ৷ ড৹ শ্যামা প্ৰসাদ মুখাৰ্জীৰ প্ৰতিচ্ছবিত বন্তি প্ৰজ্বলন আৰু পুষ্পাঞ্জলি অৰ্পণ কৰাৰ পাছতে ঘাঁহী মহিলা খেলপথাৰত গছপুলি ৰোপণ আৰু স্বচ্ছতা কাৰ্যসূচী ৰূপায়ণ কৰা হয় ৷ গোলাঘাট জিলাৰ বৰপথাৰতো ৰাখি ভাৰতীয় জনতা পাৰ্টিৰ বৰপথাৰ মণ্ডল সমিতিৰ উদ্যোগত পশ্চিম বৰপথাৰ গাঁও পঞ্চায়তৰ সভাগৃহত বলিদান দিৱস পালন কৰা হয় ।
লগতে পঢ়ক : ৰাজ্যজুৰি পালন বলিদান দিৱস
