বটদ্ৰৱাত পথৰ দুৰৱস্থাই জ্বলাকলা খোৱাইছে পথচাৰীক

বটদ্ৰৱাত গড়কাপ্তানী বিভাগৰ পঁয়ালগা অৱস্থাৰ বাবে ৰাজপথলৈ উলাই আহিল শ শ ছাত্ৰ-ছাত্ৰী । চৰকাৰ বিৰোধী শ্ল'গানেৰে সাব্যস্ত কৰিলে উত্তাল প্ৰতিবাদ ।

বটদ্ৰৱা,10অক্টোবৰঃ ৰাজ্যৰ গড়কাপ্তানী মন্ত্ৰী ডঃ হিমন্ত বিশ্ব শৰ্মাই ৰাজ্যৰ গড়কাপ্তানী বিভাগৰ আমোল পৰিবৰ্তনৰ বিষয়ে বৰজহ মাৰি থকাৰ সময়তে পুনৰ বটদ্ৰৱাত পথৰ দুৰৱস্থাই উদঙালে বিভাগটোৰ পঁয়ালগা স্বৰূপ । বটদ্ৰৱাত জৰাজীৰ্ণ বাটপথৰ গইনা লৈ এতিয়া ৰোগী আনিবলৈও অমান্তি হয় 108 মৃত্যুঞ্জয় এম্বুলেঞ্চ । যাৰ বাবে কন কন ছাত্ৰ-ছাত্ৰীয়ে ৰাজপথলৈ ওলাই আহি চৰকাৰ বিৰোধী শ্ল'গানেৰে সাব্যস্ত কৰিলে উত্তাল প্ৰতিবাদ ।

বিশেষকৈ বটদ্ৰৱা সমষ্টিৰ মূল কেন্দ্ৰবিন্দু টুকটুকী, কটহগুৰী, ৰৌমাৰী বালিজান সংযোগী ব্যস্ততা পূৰ্ণ পথত পুখুৰী সদৃশ গাতৰ সৃষ্টি হোৱাৰ ফলত যমৰ যাতনা ভুগিছে ছাত্ৰ-ছাত্ৰী, ৰোগী, পথচাৰীয়ে । ইপিনে এই ক্ষেত্ৰত গুৰুত্ব প্ৰদান নকৰাৰ অভিযোগ বিধায়িকা আঙুৰলতা ডেকাৰ বিৰুদ্ধে । যাৰ বাবে বৃহস্পতিবাৰে ৰাইজ তথা ছাত্ৰ-ছাত্ৰীৰ লগতে বিভিন্ন দল সংগঠনে ৰাজপথত সাব্যস্ত কৰিলে উত্তাল প্ৰতিবাদ ।