বটদ্ৰৱা, 7 ডিচেম্বৰ: কেবৰ সমৰ্থনত অগপ সভাপতি অতুল বৰাৰ মন্তব্যৰ পাছত এতিয়া ৰাজ্যৰ প্ৰান্তে প্ৰান্তে ৰাইজৰ ৰোষত পৰিছে জাতিৰ বিপদৰ সময়ত পিছ হুহকা অসম গন পৰিষদ দলৰ নেতৃত্ব ৷ নগাওঁ জিলাৰ বটদ্ৰৱাতো শনিবাৰে পুনৰাবৃত্তি ঘটিল এক অনুৰূপ ঘটনা ৷ আছুৰ ৰোষত পৰিল অগপ মহিলা পৰিষদৰ কেন্দ্ৰীয় সমিতিৰ কাৰ্যকৰী সভাপতি মামনি বৰা ৷
বটদ্ৰৱা সমষ্টিৰ দলটোৰ সাংগঠনিক সভাত শ্বহীদ তৰ্পন কৰাত বাধা প্ৰদান কৰিলে আছুৱে ৷ এইদৰে ৮৫৫ জন ছহিদৰ তেজৰ বিনিময়ত ৰাজপাতৰ সোৱাদ লোৱা অগপৰ সভাপতিগৰাকীৰ বিবেকহীন তথা ছহিদৰ পৰিয়ালক অপমান কৰা মন্তব্যৰ বিৰুদ্ধে ক্ষোভৰ বহিৰ্প্ৰকাশ ঘটিল আছুৰ । ছাত্ৰ সংগঠনটোৰ স্পষ্ট মত অগপৰ ছহিদ সকলক শ্ৰদ্ধাঞ্জলি জনোৱাৰ নৈতিক অধিকাৰ নাই ৷ ইয়াৰ পাছতে উপায়ন্তৰ হৈ ছহিদ তৰ্পন অনুস্থান বাতিল কৰিব লগীয়া হ'ল বটদ্ৰৱা অগপই ৷ এতিয়া এইদৰেই তৃণমূল পৰ্যায়ত থৰক-বৰক হৈ পৰিছে এসময়ত অসমীয়াই বৰপীৰা পাৰি দিয়া দলটোৰ অৱস্থা ৷
আৰু পঢ়ক: নলবাৰীত অগপ কৰ্মীৰ 'অতুল বৰা মুৰ্দাবাদ' ধ্বনি; খাৰুপেটীয়াত দলৰ স্থিতি স্পষ্ট কৰিলে সত্যব্ৰত কলিতাই
