বটদ্ৰৱাত সংঘটিত পথ দুৰ্ঘটনাত থিতাতে নিহত এক

ক্ৰমাৎ মৃত্যুদূতলৈ পৰিণত হৈছে নগাঁও জিলাৰ ধিং-বটদ্ৰৱা সংযোগী গড়কাপ্তানী পথ ৷ তীব্ৰবেগী বাহনৰ দৌৰাত্ম্যৰ বাবে পথটোত বৃদ্ধি হৈছে পথ দুর্ঘটনা ৷ এখন অচিনাক্ত চাৰিচকীয়া বাহনে মহতিয়াই নিয়ে এগৰাকী মটৰ চাইকেল আৰোহীক । ফলত থিতাতে মৃত্যুবৰণ কৰে আব্দুল ছাহিদ নামৰ ব্যক্তিজনে ৷ লগতে অন্য এগৰাকী ব্যক্তি গুৰুতৰভাৱে আহত হয় ৷

বটদ্ৰৱা,1মাৰ্চঃ বটদ্ৰৱাৰ কদমনিত দেওবাৰে নিশা সংঘটিত হয় এক ভয়ংকৰ পথ দুর্ঘটনা । ক্ৰমাৎ মৃত্যুদূতলৈ পৰিণত হৈছে নগাঁও জিলাৰ ধিং-বটদ্ৰৱা সংযোগী গড়কাপ্তানী পথ ৷ তীব্ৰবেগী বাহনৰ দৌৰাত্ম্যৰ বাবে পথটোত বৃদ্ধি হৈছে পথ দুর্ঘটনা ৷ ঘটনাৰ বিৱৰণী মতে,এখন অচিনাক্ত চাৰিচকীয়া বাহনে মহতিয়াই নিয়ে এগৰাকী মটৰ চাইকেল । দুৰ্ঘটনাত পতিত হোৱা মটৰ চাইকেলখনৰ নম্বৰ হৈছে AS 02 2257 ৷ ফলত দুৰ্ঘটনাটোত থিতাতে নিহত হয় আৰোহী আব্দুল ছাহিদ নামৰ লোকজন ৷ লগতে গুৰুতৰভাৱে আহত হয় ৰফিক মোল্লা নামৰ এগৰাকী ব্যক্তি ৷ আহত ব্যক্তিজনক সংকটজনক অৱস্থাত চিকিৎসাৰ বাবে নগাঁৱলৈ প্রেৰণ কৰে স্থানীয় ৰাইজে । ব্যক্তি দুগৰাকীৰ ঘৰ বটদ্ৰৱাৰ কদমনিত বুলি জানিব পৰা গৈছে ।

ঘটনাস্থলীত বটদ্ৰৱা আৰক্ষী উপস্থিত হৈ মৃতদেহটো উদ্ধাৰ কৰি নগাঁৱলৈ মৰণোত্তৰ পৰীক্ষাৰ বাবে প্রেৰণ কৰে । দুৰ্ঘটনা সংঘটিত কৰা বাহনখনৰ অনুসন্ধানত আৰক্ষীয়ে তদন্ত অব্যাহত ৰাখিছে যদিয়ো বৰ্তমানলৈকে কোনো তথ্য লাভ কৰা নাই আৰক্ষীয়ে ৷

লগতে চাওকঃগুৱাহাটী প্ৰেছ ক্লাৱত ৰহস্যজনক অগ্নিকাণ্ড