বঢ়মপুৰ,23 নৱেম্বৰ : দৈনন্দিন ঘৰুৱা কামকাজৰ মাজতে সীমাৱদ্ধ নাথাকি কামপুৰৰ চাৰিগৰাকী মহিলাই কৃষি কৰ্মৰে স্বাৱলম্বীতাৰ সপোন দেখিছে । বছৰ বছৰ ধৰি পৰি থকা ভূমিত কৃষি কৰ্ম কৰি নিজৰ লগতে আন দহজনক উপাৰ্জনৰ পথ দেখুৱাইছে চাৰিগৰাকী মহিলাই । নগাওঁ জিলাৰ কামপুৰ দক্ষিণ চাংচকীৰ চাৰি গৰাকী আত্মসহায়ক গোটৰ মহিলাই ৮ বিঘা মাটিত মাটিমাহ আৰু ৭ বিঘা মাটিত সৰিয়হ খেতি কৰি স্বাৱলম্বীতাৰ পথ ৰচিছে ।
মহিলা কেইগৰাকীৰ এই উদ্যম দেখি সহায়ৰ বাবে আগবাঢ়ি আহিছে নগাওঁ জিলাৰ কৃষি বিভাগ । নগাঁও জিলাৰ কৃষি বিজ্ঞান কেন্দ্ৰই এই উদ্যমী মহিলা কেইগৰাকীক কৃষিৰ বাবে মাটিমাহ আৰু সৰিয়হৰ বীজ যোগান ধৰাৰ লগতে সাৰ যোগান ধৰিছে । মহিলা কেইগৰাকীয়ে ৮ বিঘা মাটিত মাটিমাহৰ খেতি কৰি পতিত ভূমি এতিয়া সেউজীয়া কৰি তুলিছে । উল্লখ্যে যে, এই মহিলা সকলক কৃষিকৰ্ম কৰি স্বাৱলম্বী হোৱাত পথ পদৰ্শক হিচাপে সকলো প্ৰকাৰৰ সহায়ৰে আগবঢ়াই লৈ গৈছে অসম ৰাজ্যিক জীৱিকা অভিযান কঠিয়াতলী শাখাৰ খণ্ড বিষয়া কুলদ্বীপ লেখাৰুয়ে ৷
লগতে পঢ়ক:মহাৰাষ্ট্ৰৰ মুখ্যমন্ত্ৰীৰ আসনত পুনৰ দেবেন্দ্ৰ ফাড়নাৱিছ
লগতে পঢ়ক:মাজুলীত ব্ৰহ্মপুত্ৰৰ মাজত আৱদ্ধ যাত্ৰীবাহী ফেৰী
