কলিয়াবৰ, 1 আগষ্ট : নগাঁও জিলাৰ কলিয়াবৰত প্ৰেমৰ প্ৰস্তাৱ নাকচ কৰাৰ বাবে এগৰাকী নাবালিকাক নিৰ্যাতন (Torture) চলাই আৰক্ষীৰ জালত পৰিছে তিনি বন্ধুসহ প্ৰেমিক ৷ ইয়াৰ লগতে নাবালিকাগৰাকীক অপহৰণ (Kidnap)ৰ চেষ্টা কৰাৰ অভিযোগ উত্থাপন হৈছে ৷ ভুক্তভোগীৰ অভিযোগৰ ভিত্তিত ইতিমধ্যে চাৰি যুৱকক আটক কৰিছে আৰক্ষীয়ে । প্ৰেমৰ প্ৰস্তাৱ প্ৰত্যাখ্যান কৰাৰ বাবেই এজন যুৱকসহ অন্য তিনি যুৱকে নাবালিকাগৰাকীৰ বাসগৃহত উপস্থিত হৈ নাবালিকাগৰাকীক অত্যাচাৰ চলায় ৷
ইয়াৰ লগতে নাবালিকাগৰাকীৰ পৰিয়ালক ধন দাবী কৰি নাবালিকাগৰাকীৰ অপহৰণৰ চেষ্টা চলায় চাৰি অভিযুক্তই । ইতিমধ্যে চুলুং আৰক্ষীৰ জালত পৰিছে ধৃত চাৰি যুৱক ক্ৰমে- দিজু বস্তিৰ মিঠুন ঘোষ, মিছাৰ অজয় গুপ্তা, বৰচোঙৰ নৰেন দাস আৰু জিণ্টু বসুমতাৰী ।
ভুক্তভোগী নাবালিকাৰ পৰিয়ালৰ এজাহাৰৰ ভিত্তিত আৰক্ষীয়ে আটক কৰে চাৰি অভিযুক্ত যুৱকক । অভিযুক্তৰ পৰা আৰক্ষীয়ে এটা ম’বাইল ফোন আৰু A-AS-12_S-7571 নম্বৰৰ মাৰুতী বাহন জব্দ কৰিছে ৷
লগতে পঢ়ক : বন্যহস্তীয়ে নিদ্ৰা হৰিছে চামগুৰিবাসীৰ
