সফলতাৰে অনুষ্ঠিত হৈ যায় ত্ৰয়োদশতম অসম যোগ মহোৎসৱ

গুৱাহাটীৰ ভোগেশ্বৰী ফুকননী ইনড'ৰ ষ্টেডিয়াম সফলতাৰে অনুষ্ঠিত হৈ যায় ত্ৰয়োদশতম অসম যোগ মহোৎসৱ ৷ ভাৰতীয় যোগ সংস্কৃতি আৰু যোগ চিকিৎসা কেন্দ্ৰৰ উদ্যোগত, অসম চৰকাৰৰ ক্ৰীড়া আৰু যুৱকল্যাণ সঞ্চালকালয়ৰ সহযোগত এই অনুষ্ঠান আয়োজন কৰা হয় ৷

ধিং, 19 ফেব্ৰুৱাৰীঃ ভাৰতীয় যোগ সংস্কৃতি আৰু যোগ চিকিৎসা কেন্দ্ৰৰ উদ্যোগত, অসম চৰকাৰৰ ক্ৰীড়া আৰু যুৱকল্যাণ সঞ্চালকালয়ৰ সহযোগত ১৬ ফ্ৰেব্ৰুৱাৰীত গুৱাহাটীৰ ভোগেশ্বৰী ফুকননী ইনড'ৰ ষ্টেডিয়ামত, সফলতাৰে অনুষ্ঠিত হৈ যায় ত্ৰয়োদশতম অসম যোগ মহোৎসৱ ৷ অনুষ্ঠানটিত সভাপতিত্ব কৰে ভাৰতীয় যোগ সংস্কৃতি আৰু যোগ চিকিৎসা কেন্দ্ৰৰ প্ৰতিষ্ঠাপক যোগাচাৰ্য শুভাশীষ কৰে ৷ অনুষ্ঠানটিৰ লগত সংগতি ৰাখি সদৌ অসম ভিত্তিত অনুষ্ঠিত হোৱা দলীয় যোগাসন প্ৰতিযোগিতাত, ধিঙৰ আৰোগ্য যোগ কেন্দ্ৰৰ দলে প্ৰথম স্থান দখল কৰিবলৈ সক্ষম হয় ৷ এই অনুষ্ঠানত আৰোগ্য যোগ কেন্দ্ৰ আৰু যোগবিজ্ঞান মহাবিদ্যালয়ৰ প্ৰতিষ্ঠাপক, সম্পাদক ৰূপজ্যোতি কৰক জীৱনজোৰা সাধনা আৰু যোগৰ প্ৰতি আগবঢ়োৱা অৱদানৰ বাবে সম্বৰ্ধনা জনোৱা হয় ৷

লগতে পঢ়কঃ অসম মহিলা বিশ্ববিদ্যালয়ৰ প্ৰথম সমাবৰ্তন