চামগুৰি, ২৬ নৱেম্বৰ : ৰাষ্ট্ৰীয় যুৱ ক্ৰীড়া (National Youth Game 2021) ত দুৰ্দান্ত প্ৰদৰ্শন অসম ভলীবল দলৰ । বিভিন্ন ৰাজ্যৰ ভলীবল দলক পিছ পেলাই অৱশেষত চূড়ান্ত খেলত বিজয়ীৰ খিতাপ আজুৰি আনিলে অসম ভলীবল দলে (Assam Volleyball team wins National Youth Game 2021) । যোৱা ২৩ নৱেম্বৰৰ পৰা ২৫ নৱেম্বৰলৈ ৰাজস্থানৰ জৈছেলমেৰত অনুষ্ঠিত হৈছিল ২০২১ বৰ্ষৰ ৰাষ্ট্ৰীয় যুৱ ক্ৰীড়া ।
সোণৰ পদক লাভ কৰা অসম দলত আছে নগাঁৱৰ ৬ গৰাকী খেলুৱৈ । সৰ্বভাৰতীয় পৰ্যায়ত খেল প্ৰদৰ্শন কৰি সমগ্ৰ জিলাখনলৈ গৌৰৱ কঢ়িয়াই আনিছে খেলুৱৈকেইজনে । অসম দলক প্ৰতিনিধিত্ব কৰা নগঞা খেলুৱৈ কেইগৰাকী ক্ৰমে- চৈয়দ জামান খান, মাহমাদুল হুছেইন, আমিৰ হুছেইন, জুলফিকাৰ আলী, ছিৰাজুল আলম, আশ্বিক মাহমুদ (Assam players in National Youth Game 2021) ।
চৈয়দ জামান খান দলটোৰ অধিনায়ক । খেলুৱৈকেইগৰাকীক প্ৰশিক্ষণ প্ৰদান কৰিছিল পিংকু ৰয়ে । আগন্তুক সময়তো দলটোৱে এনেদৰে প্ৰদৰ্শন আগবঢ়াই যাব বুলি আশা প্ৰকাশ কৰিছে ক্ৰীড়াপ্ৰেমীসকলে । লগতে অসম দলটোৰ বিজয়ত আনন্দিত হৈ পৰিছে ৰাজ্যবাসী ।
লগতে পঢ়ক:Ind vs NZ Test : টছত জিকি বেটিঙৰ সিদ্ধান্ত টীম ইণ্ডিয়াৰ
