হোজাই, ২৫ নৱেম্বৰ: বন্যহস্তীৰ আক্ৰমণত কৰুণ মৃত্যুক সাৱতিলে লামডিঙৰ এজন লোকে । লামডিং সংৰক্ষিত বনাঞ্চলত খৰি বিচাৰি গৈছিল বাবু লা কুৰ্মী নামৰ লোকজনে। তেতিয়াই বনৰীয়া হাতীয়ে আক্ৰমণ কৰে বাবু লা কুৰ্মীক । লংকাজান খণ্ড বন বিষয়াৰ অন্তৰ্গত লামডিং বনাঞ্চলত সংঘটিত হয় এই শোকাৱহ ঘটনা । নিহত লোকজনৰ ঘৰ লামডিঙৰ মঠুৰাবিলত । এই বিষয়ে খবৰ পেৱাৰ পিছতে আৰক্ষী ঘটনাস্থলীত উপস্থিত হয় ।
সম্প্ৰতি নিহত লোকজনৰ মৃতদেহ মৰণোত্তৰ পৰীক্ষাৰ বাবে নগাঁও অসামৰিক চিকিৎসায়ললৈ প্ৰেৰণ কৰা হৈছে । ৰাজ্যত হাতী-মানুহৰ সংঘাতে ভয়াৱহ ৰূপ লোৱাৰ বাস্তৱ ছবি প্ৰায়ে দেখিবলৈ পোৱা যায় । খাদ্যৰ সন্ধানত বনৰীয়া হাতী জনাঞ্চললৈ ওলাই আহি ত্ৰাসৰ সৃষ্টি কৰে । আনহাতে, পেটৰ তাড়নাত একাংশ দৰিদ্ৰ লোকে উপায়হীন হৈ দিন-হাজিৰা কৰি, জংঘলৰ পৰা বিচাৰি অনা খৰি বিক্ৰী কৰি জীৱিকা নিৰ্বাহ কৰিবলগীয়া হয় । আনকি, কেতিয়াবা বনৰীয়া জন্তুৰ আক্ৰমণৰ বলি হৈ মৃত্যুকো সাৱতি ল'বলগীয়া হয় ।
লগতে পঢ়ক:ৰেলৰ খুন্দাত বন্যহস্তীৰ মৃত্যু
