প্লাষ্টিকৰ প্ৰদূষণঃ ইটিভি ভাৰতৰ অভিযানত সঁহাৰি নগাঁৱৰ শিল্পীৰ

দেশজুৰি প্লাষ্টিকমুক্ত পৰিৱেশ গঢ়াৰ বাবে ইটিভি ভাৰতে চলোৱা সজাগতা অভিযানৰ প্ৰতি সঁহাৰি জনাই শনিবাৰে নগাঁৱত ওলাই আহিল এজন শিল্পী ৷ চ'ছিয়েল মিডিয়াত সুধাকন্ঠ ডঃ ভূপেন হাজৰিকাৰ দৰে অবিকল কণ্ঠৰে গীত গাই জনপ্ৰিয়তা অৰ্জন কৰা এইগৰাকী শিল্পীৰ প্ৰচেষ্টাক শলাগ ল'লে সকলোৱে ৷

নগাঁও, 26 অক্টোবৰঃ প্লাষ্টিক ব্যৱহাৰৰ ক্ষেত্ৰত দেশৰ প্ৰধানমন্ত্ৰীয়ে দেশবাসীক জনোৱা আহ্বানৰ পিচতে দেশজুৰি আৰম্ভ হৈছে সজাগতা অভিযান ৷ প্ৰধানমন্ত্ৰীগৰাকীৰ আহ্বানৰ প্ৰতি সঁহাৰি জনাই ইটিভি ভাৰতে দেশজুৰি আৰম্ভ কৰিছে প্লাষ্টিক মুক্ত পৰিৱেশ গঢ়াৰ সজাগতা অভিযান ৷ এবাৰ ব্যৱহৃত প্লাষ্টিকৰ ব্যৱহাৰ বৰ্জন কৰা,প্লাষ্টিকৰ সামগ্ৰী ব্যৱহাৰৰ ক্ষেত্ৰত সজাগতা সৃষ্টি কৰাৰ লক্ষ্যৰে ইটিভি ভাৰতৰ অভিযানত সঁহাৰি জনাই শনিবাৰে ওলাই আহিল নগাঁৱৰ এজন শিক্ষক তথা শিল্পী ৷

নগাঁৱৰ একাংশ দোকানে দোকানে গৈ পলিথিন,প্লাষ্টিকৰ কাপ-প্লেট আদিৰ দৰে এবাৰ ব্যৱহৃত সামগ্ৰী সমূহ বৰ্জন কৰি প্ৰদূষণ মুক্ত পৰিৱেশৰ বাবে একক ভাৱে নামি পৰিল অভিযানত ৷ তেওঁৰ এই আশাসুধীয়া প্ৰচেষ্টাক সঁহাৰি জনোৱা দেখা গ'ল ৰাইজৰো ৷ এই সম্পৰ্কত চাওক ইটিভি ভাৰতৰ বিশেষ প্ৰতিবেদন-

ইটিভি ভাৰতৰ অভিযানত সহাৰি জনাই সজাগতাৰ বাবে ওলাই আহিল শিল্পী