কামপুৰত ৰাইজৰ ৰোষত মহিলা বেজ

কামপুৰৰ ঘিলানী গাঁৱত উত্তেজনাময় পৰিৱেশ । নিজকে বেজ বুলি পৰিচয় দিয়া এগৰাকী ভণ্ড মহিলাক আটক কৰে গাঁৱৰ ৰাইজে ।

বঢ়মপুৰ, 14 চেপ্তেম্বৰঃ কামপুৰৰ ঘিলানী গাঁৱত শনিবাৰে এগৰাকী মহিলাক কেন্দ্ৰ কৰি উত্তেজনাময় পৰিৱেশৰ সৃষ্টি হয়। দীৰ্ঘদিন ধৰি গাঁওখনত বেজালিৰ নামত ভণ্ডামি কৰি অহাৰ অভিযোগত ঘিলানী গাঁৱৰ ৰাইজে এগৰাকী ভণ্ড মহিলাক আটক কৰে। তথ্যনুসৰি মহিলা গৰাকীয়ে বেজালিৰ মাধ্যমৰে ঘিলানী গাৱৰ একাংশ মহিলাক ৰোগীক চিকিৎসাৰ আশ্বাস দিছিল। গাওঁখনত বিগত কেইবাদিন ধৰি বহু লোকক চিকিৎসাৰ বিধান দি আহিছিল ভণ্ড মহিলা গৰাকীয়ে। ৰোগীক চিকিৎসাৰ বিনিময়ত হাঁহ-পাৰ আদি বিভিন্ন সামগ্ৰীৰ লগতে সহজ সৰল গাঁওবাসীৰ গাঁথিৰ ধন কৌশলেৰে লুটি আহিছিল চতুৰ মহিলা গৰাকীয়ে। মহিলাগৰাকীক কেন্দ্ৰ কৰি গাঁওখনৰ মহিলাসকলে যুদ্ধংদেহী মনোভাৱ গ্ৰহণ কৰাত পৰিস্থিতি অনুধাৱন কৰি গাঁওখনৰেই কেইজনমান সচেতন ব্যক্তিয়ে উদ্ধাৰ কৰি সেই স্থানৰ পৰা পঠিয়াই দিয়ে ৷