নগাঁও, 15 জুনঃ নগাঁৱত মহিলাৰ ৰোষত পৰিল এজন আৰক্ষী কনিষ্টবল ৷ নগাঁও আৰক্ষী চাউনীতে শতাধিক মহিলাৰ ৰোষত পৰে কমল বৰা নামৰ কনিষ্টবলজন ৷ উল্লেখ্য যে, কনিষ্টবল কমল বৰাৰ পত্নীৰ বিৰুদ্ধে উত্থাপন হৈছে মহিলাসকলে জমা ৰখা ৬০ লাখ টকা আত্মসাৎ কৰাৰ অভিযোগ ৷
বহুকেইগৰাকী আৰক্ষীৰ পত্নীয়ে মিলি ধন জমা কৰিবলৈ গঠন কৰিছিল এটা আত্মসহায়ক গোট ৷ চৰ্ত আছিল কাৰোবাৰ বিপদ হ'লে গোটৰ পৰা ল'ব পাৰিব ধন ৷ কনিষ্টবল কমল বৰা পত্নী শেৱালি বৰাই গোটটোৰ সম্পূৰ্ণ দায়িত্ব পালন কৰি আহিছিল সুচাৰূভাৱে ৷ কিন্তু গোটৰ নামত শতাধিক আৰক্ষীৰ পত্নীয়ে জমা কৰা ধনৰ পৰিমান ৬০ লক্ষাধিক হোৱাৰ পিচতে, মহিলাসলৰ সৈতে যোগাযোগ বিচ্ছিন্ন কৰাৰ অভিযোগ উত্থাপন হৈছে ৷ হঠাতে আত্মগোপন কৰে গোটৰ দায়িত্বত থকা শেৱালি বৰাই ৷ যাৰ বাবে সোমবাৰে ভুক্তভোগী মহিলা সকলে নিজ কর্তব্য পালন কৰি ঘৰলৈ উভতাৰ সময়তেই, কমল বৰাক ঘেৰাও কৰাত পৰিস্থিতি উত্তাল হৈ পৰে ৷
লগতে পঢ়কঃ ২০ কোাটি টকা কেলেংকাৰীৰ ফোন কল ভাইৰেল : উত্তপ্ত দল-সংগঠন
