নগাঁও, ১৫ মেঃ আজি ঘোষিত হাইস্কুল শিক্ষান্ত পৰীক্ষাত অসমৰ ভিতৰত অষ্টম স্থান দখল কৰিলে নগাঁৱৰ বৰজহাৰ নিশিতা খাটনিয়াৰে । নগাঁও জিলাৰ বেবেজীয়াৰ বৰজহাৰ দিপালী খাটনিয়াৰ আৰু মন্তো খাটনিয়াৰৰ জীয়ৰী নিশিতা খাটনিয়াৰ । বেবেজীয়াৰ আৰ্য জাতীয় বিদ্যালয়ৰ বিদ্যালয় পৰা হাইস্কুল শিক্ষান্ত পৰীক্ষাত অৱতীৰ্ণ হৈ আটাইকেইটা বিষয়ত লেটাৰ মাৰ্কসহ অষ্টম স্থান লাভ কৰে । সৰ্বমুঠ ৫৮৬ নম্বৰ লাভ কৰিবলৈ সক্ষম হয় ছাত্ৰীগৰাকীয়ে ।
হাই স্কুল শিক্ষান্ত পৰীক্ষাত অষ্টম স্থান দখল নিশিতা খাটনীয়াৰ
ফলাফল ঘোষণা হোৱাৰ পিছতে আৰ্য জাতীয় বিদ্যালয়ৰ ছাত্ৰ-ছাত্ৰী, শিক্ষক-শিক্ষয়িত্ৰীৰ লগতে স্থানীয় ৰাইজে নিশিতাক লৈ শোভাযাত্ৰা উলিয়ায় । ভৱিষ্যতে চিকিৎসক হোৱাৰ সপোন দেখা নিশিতাই নগাঁৱতে বিজ্ঞান শাখাত নাম ভৰ্তি কৰিব বুলি জানিবলৈ দিছে ৷
