নগাঁও,31 মে’ : কলিয়াবৰৰ কুঠৰীত সংঘটিত হৈছে যুৱতী নিৰ্যাতনৰ ঘটনা ৷ অভিযোগ মতে, কাষৰীয়া এঘৰৰ পৰা পানী আনিবলৈ যাওতেই অকলশৰীয়া যুৱতীক হাতত ধৰি টনা-আজোৰা কৰি গাড়ীত উঠাই অপহৰণৰ অপচেষ্টা কৰিছিল তিনি যুৱকে । ৩৭ নং ৰাষ্ট্ৰীয় পথৰ ওপৰতে যুৱতী গৰাকীয়ে চিঞৰ বাখৰ কৰাত স্থানীয় লোক ওলাই অহাৰ পাচতেই AS ০২ CC ২০৬৪ নম্বৰৰ বলেৰ' পিক আপ ভানত উঠি পলায়ন কৰে তিনি যুৱকে । ঘটনা সন্দৰ্ভত যুৱতী গৰাকীৰ পৰিয়ালে দিয়া এজাহাৰৰ ভিত্তিত বাগৰি আৰক্ষী চকীয়ে দুই যুৱকক আটক কৰে ৷ আটকাধীন যুৱক দুজন ক্ৰমে কুঠৰী নজানৰ ছাজিদ আলী আৰু আতাবুৰ আলী বুলি জানিব পৰা গৈছে ।
দুয়োকে সোধ-পোছৰ অন্তত দেওবাৰে বিয়লি জখলাবন্ধা আৰক্ষী নিৱেশৰ পৰা সোমবাৰে ন্যায়িক আদালতত হাজিৰ কৰা হ'ব বুলি জানিবলৈ দিয়ে আৰক্ষীয়ে । অৱশ্যে জখলাবন্ধা আৰক্ষী নিৱশে ঘটনাটোৰ সন্দৰ্ভত কোনো ধৰণৰ আনুষ্ঠানিক তথ্য জনোৱাৰ পৰা বিৰত থাকে।
লগতে পঢ়ক:পৰিত্যক্ত অৱস্থাত অত্যাধুনিক সুবিধাযুক্ত এখন বিশেষ বাহন
