নগাঁও, 1 ছেপ্তেম্বৰঃ শনিবাৰে নিশা নগাঁৱৰ কঠিয়াতলী বালাজী ইলেক্ট্ৰনিকছত দোকানত চোৰৰ চাফাই অভিযান ৷ দোকানৰ চাটাৰ ভাঙি চোৰে লুটি নিলে বহু কেইটা এল ই ডি টিভি, শীত-তাপ নিয়ন্ত্ৰণ যন্ত্ৰ, কোলাৰকে ধৰি বহু মূল্যবান সা-সামগ্ৰী । প্ৰায় ১০ লাখ টকাৰ ইলেক্ট্ৰনিক সামগ্ৰী চুৰি কৰি নিয়া বুলি প্ৰকাশ কৰিছে স্বত্বাধিকাৰীয়ে ।
নগাঁৱত ১০ লাখ টকাৰ ইলেক্ট্ৰনিক সামগ্ৰী চুৰি
ইতিমধ্যে ঘটনাস্থলীত কঠীয়াতলী আৰক্ষী উপস্থিত হৈ তদন্ত আৰম্ভ কৰিছে যদিও কোনো সন্ধান লাভ কৰা নাই চোৰৰ । কঠীয়াতলী আৰক্ষী চকীৰ ১০০ মিটাৰ নিলগতে চোৰে দোকানৰ চাটাৰ ভাঙি চুৰি কাৰ্য সংঘটিত কৰা ঘটনাই এতিয়া অঞ্চলজুৰি চাঞ্চল্যৰ সৃষ্টি কৰিছে ।
