মৰিগাঁও,4 নৱেম্বৰ: মৰিগাঁৱত পুনৰ জব্দ হ'ল অবৈধ গৰু কঢ়িওৱা তিনি ট্ৰাকসহ 79 টাকৈ চোৰাং গৰু ৷ সোমাবাৰে পুৱা মৰিগাঁও আৰক্ষীয়ে AS01-KC -8788, AS01-LC-1816 আৰু AS01-LC-3346 নম্বৰৰ ট্ৰাককেইখন জব্দ কৰে ৷ লগতে জব্দ কৰে 79টাকৈ চোৰাং গৰু ৷ জানিব পৰা মতে, মৰিগাঁৱৰ জালুগুটিৰ সাপ্তাহিক বজাৰৰ পৰা খানাপাৰালৈ গৈ থকাৰ সময়তেই মৰিগাঁও আৰক্ষীয়ে জব্দ কৰিবলৈ সক্ষম হয় এই গৰু ভৰ্তি ট্ৰাক কেইখন ।
মৰিগাঁও আৰক্ষীয়ে জব্দ কৰিলে চোৰাং গৰুৰ ট্ৰাক
উল্লেখ্য যে, জব্দ কৰা গৰুবোৰ তিৰপালেৰে ঢাকি লৈ যোৱাৰ চেষ্টা কৰিছিল গৰুৰ চোৰাং সৰবৰাহকাৰীসকলে ৷ ট্ৰাকৰ সৈতে কৰায়ত্ত কৰা চালক আৰু শ্ৰমিকসকলক আৰক্ষীয়ে সোধ-পোচ অব্যাহত ৰাখিছে বুলি জানিব পৰা গৈছে ৷
লগতে পঢ়ক: চিৰাঙত জব্দ লক্ষাধিক টকাৰ চোৰাং কাঠ
