অৱশেষত উন্মোচন কৰা হ'ল বিতৰ্কৰ আবৰ্তত সোমাই পৰা জোঙালবলহুৰ মূৰ্তি

মৰিগাঁৱত উপস্থিত মন্ত্ৰী হিমন্ত বিশ্ব শৰ্মা ৷ জোঙাল বলহুৰ মূৰ্তি উন্মোচন কৰাৰ উদ্দেশ্যে উপস্থিত মন্ত্ৰী গৰাকী ৷

মৰিগাঁও, 9 নৱেম্বৰ : অৱশেষত উন্মোচন কৰা হ'ল 2010-11 বিত্তীয় বৰ্ষৰ পৰা বিৰ্তকৰ আওতাত থকা জোঙাল বলহুৰ আবক্ষ মূৰ্তি ৷ তিৱা জনগোষ্ঠীৰ কিংবদন্তী পুৰুষ,শৌৰ্য বীৰ্যৰ প্ৰতীক জোঙালবলহুৰ মূৰ্তি আনুষ্ঠানিকভাৱে উন্মোচন কৰে মন্ত্ৰী ডঃ হিমন্ত বিশ্ব শৰ্মাই । মূৰ্তি উন্মোচন কৰি মন্ত্ৰী হিমন্ত বিশ্ব শৰ্মাই শীঘ্ৰে উক্ত স্থানক পৰ্যটন কেন্দ্ৰ ৰূপে গঢ়ি তোলাৰ বাবে ব্যৱস্থা গ্ৰহণ কৰিব বুলি মন্তব্য প্ৰদান ৷

মন্ত্ৰী চন্দ্ৰ মোহন পাটোৱাৰী,পীয়ুষ হাজৰিকা, বিধায়ক ডিম্বেশ্বৰ দাস আৰু তিৱা স্বায়ত্ব পৰিষদৰ বহুকেইজন শীৰ্ষ নেতা আৰু তিৱা সাহিত্য সভাৰ বিষয়ববীয়াৰ উপস্থিতিত উন্মোচন কৰা হয় জোঙাল বলহুৰ মূৰ্তি ।