ধিং, ১২ নৱেম্বৰ: মৈৰাবাৰী মহাবিদ্যালয়ৰ ছাত্ৰ একতা সভাৰ নিৰ্বাচন শণিবাৰে সম্পন্ন হয় (Student union election of Moirabari college)। মৰিগাঁও জিলাৰ মৈৰাবাৰী মহাবিদ্যালয়ৰ ২০২২-২০২৩ বৰ্ষৰ ছাত্ৰ একতা সভাৰ এই নিৰ্বাচন শান্তিপূৰ্ণভাৱে সম্পন্ন হৈ যায় (Mairabari College of Morigaon)। পুৱা ৭ বজাৰ পৰা আৰম্ভ হোৱা ভোটদান প্ৰক্ৰিয়া ১২ বজাতে শেষ হয় ।
উক্ত নিৰ্বাচনত ৰাকিবুৰ ৰহমানে ৫২১টা ভোট লাভ কৰি সভাপতি হিচাপে নিৰ্বাচিত হয় । আনহাতে, মতিবুৰ ৰহমানে ৮৩৬ ভোট লাভ কৰি সাধাৰণ সম্পাদক হিচাপে নিৰ্বাচিত হয় । ৭২২ টা ভোট লাভ কৰি সাংস্কৃতিক সম্পাদক হিচাপে ৰশ্বিদুল ইছলামে জয়লাভ কৰে ।
উল্লেখযোগ্য যে ছাত্ৰ একতা সভাৰ নিৰ্বাচনত ৯টা পদৰ ভিতৰত ছটা পদত প্ৰাৰ্থী বিনা প্ৰতিদ্বন্দিতাৰে নিৰ্বাচিত হয় । এই নিৰ্বাচনত সভাপতি ,সম্পাদক আৰু সাংস্কৃতিক সম্পাদক পদত আঠগৰাকী প্ৰাৰ্থীয়ে প্ৰতিদ্বন্দিতা আগবঢ়াইছিল । নিৰ্বাচনত ৰিটাৰ্ণিং বিষয়া হিচাপে আছিল মহাবিদ্যালয়খনৰ অধ্যাপক আজাদ ছেলিম ।
লগতে পঢ়ক:Road Accident in Dibrugarh: ডিব্ৰুগড়ত পথ দুৰ্ঘটনাত থিতাতে নিহত এগৰাকী মহিলা
