মৰিগাঁও, 14 নৱেম্বৰঃ ৰাজ্যৰ বিভিন্ন প্ৰান্তৰ লগতে মৰিগাঁও জিলা বিভিন্ন প্ৰান্তত দিপাৱলীৰ বাবে ভিৰ কৰিছে গ্ৰাহকসকলে । মৰিগাঁৱৰ চহৰখনত বিভিন্ন প্ৰান্তত গঢ়ি উঠিছে আতচবাজীৰ দোকান ৷ ইতিমধ্যে এই অস্থায়ী বিপনী সমূহত আতচবাজী ক্ৰয় কৰিবলৈ গ্ৰাহক সকলো ভিৰ কৰা পৰিলক্ষিত হৈছে । কোনোৱে যদি আতচবাজী ক্ৰয় কৰিছে আন কোনোৱে মাটি চাকিৰ বিপনীত ভিৰ কৰিছে ।
উল্লেখযোগ্য যে, পৰিৱেশ প্ৰদূষণৰ প্ৰতি লক্ষ্য ৰাখি চৰকাৰ প্ৰশাসনে দিপাৱলীত ফটকা আতচবাজী ফুটুওৱাৰ ক্ষেত্ৰত কেতবোৰ নীতি-নিৰ্দেশনা জাৰি কৰে ৷ প্ৰশাসনৰ কঠোৰ নিৰ্দেশনাৰ পাছতো মৰিগাঁৱত মুকলিভাৱে বিক্ৰী হৈছে বিভিন্ন আতচবাজীৰ । মৰিগাঁৱৰ এই দৃশ্যই এতিয়া চকু কঁপালত উঠিছে একাংশ সচেতন লোকৰ ৷ অতি শীঘ্ৰে এই আতচবাজীৰ দোকানসমূহ উচ্ছেদ কৰিবলৈ চৰকাৰ প্ৰশাসনক আহ্বান জনাইছে সচেতন ৰাইজে ৷
