মৰিগাওঁ,২৯ এপ্ৰিলঃ দূৰ্নীতিৰ ক্ষেত্ৰত শূন্যসহনশীল বুলি চৰকাৰে শ্লোগান আঁওৰাই থকাৰ সময়তে মৰিগাঁৱৰ ৰাজ্যিক গড়কাপ্তানি বিভাগত অব্যাহত আছে লুণ্ঠনৰাজ । উত্থাপিত অভিযোগ অনুসৰি মৰিগাঁৱত এই লুণ্ঠনৰাজ চলাইছে নগাঁৱৰ নিৰ্মাণকাৰী প্ৰতিষ্ঠান ৰাম অৱতাৰ এণ্ড কোম্পানীয়ে । তাৰেই এতিয়া প্ৰত্যক্ষ প্ৰমাণ হৈছে লাহৰীঘাট-মৈৰাবাৰী তথা ভূৰাগাঁও-নগাঁও সংযোগী কোটিটকীয়া পথছোৱা । পথছোৱাৰ শোচনীয় অৱস্থাৰ ফলত ঠিকাদাৰৰ বিৰুদ্ধে ক্ষুব্ধ হৈ পৰিছে লাহৰীঘাটৰ স্থানীয় বাসিন্দাসকল। স্থানীয় লোকে ঠিকাদাৰৰ মহৰী আৰু শ্ৰমিকক বাৰম্বাৰ কোৱাৰ পাছতো আজিলৈ কোনো সলনি নহ'ল পথছোৱাৰ নিৰ্মাণ কাৰ্যত। ইয়াৰ ফলত উগ্ৰৰূপ ধাৰণ কৰে ৰাইজে। ৰাইজৰ উগ্ৰ ৰূপ দেখি পলায়ন কৰিবলৈ বাধ্য হয় মহৰী তথা শ্ৰমিক । পৰিতাপৰ বিষয় যে ইমানৰ পিছতো গা লৰা নাই মৰিগাঁও জিলা ৰাজ্যিক গড়কাপ্তানি বিভাগৰ । সেয়েহে ৰাইজে বিষয়টো সন্দৰ্ভত বিভাগীয় মন্ত্ৰী ডঃ হিমন্ত বিশ্ব শৰ্মাৰ হস্তক্ষেপেৰে পথছোৱা পুনৰ নিৰ্মাণ কৰাৰ দাবী উত্থাপন কৰে ৷
কোটিটকীয়া পথ নিৰ্মাণৰ নামত মৰিগাঁৱত ঠিকাদাৰৰ লুণ্ঠন
গভীৰ নিদ্ৰাত গড়কাপ্তানি বিভাগ।
মৰিগাওঁ,২৯ এপ্ৰিলঃ দূৰ্নীতিৰ ক্ষেত্ৰত শূন্যসহনশীল বুলি চৰকাৰে শ্লোগান আঁওৰাই থকাৰ সময়তে মৰিগাঁৱৰ ৰাজ্যিক গড়কাপ্তানি বিভাগত অব্যাহত আছে লুণ্ঠনৰাজ । উত্থাপিত অভিযোগ অনুসৰি মৰিগাঁৱত এই লুণ্ঠনৰাজ চলাইছে নগাঁৱৰ নিৰ্মাণকাৰী প্ৰতিষ্ঠান ৰাম অৱতাৰ এণ্ড কোম্পানীয়ে । তাৰেই এতিয়া প্ৰত্যক্ষ প্ৰমাণ হৈছে লাহৰীঘাট-মৈৰাবাৰী তথা ভূৰাগাঁও-নগাঁও সংযোগী কোটিটকীয়া পথছোৱা । পথছোৱাৰ শোচনীয় অৱস্থাৰ ফলত ঠিকাদাৰৰ বিৰুদ্ধে ক্ষুব্ধ হৈ পৰিছে লাহৰীঘাটৰ স্থানীয় বাসিন্দাসকল। স্থানীয় লোকে ঠিকাদাৰৰ মহৰী আৰু শ্ৰমিকক বাৰম্বাৰ কোৱাৰ পাছতো আজিলৈ কোনো সলনি নহ'ল পথছোৱাৰ নিৰ্মাণ কাৰ্যত। ইয়াৰ ফলত উগ্ৰৰূপ ধাৰণ কৰে ৰাইজে। ৰাইজৰ উগ্ৰ ৰূপ দেখি পলায়ন কৰিবলৈ বাধ্য হয় মহৰী তথা শ্ৰমিক । পৰিতাপৰ বিষয় যে ইমানৰ পিছতো গা লৰা নাই মৰিগাঁও জিলা ৰাজ্যিক গড়কাপ্তানি বিভাগৰ । সেয়েহে ৰাইজে বিষয়টো সন্দৰ্ভত বিভাগীয় মন্ত্ৰী ডঃ হিমন্ত বিশ্ব শৰ্মাৰ হস্তক্ষেপেৰে পথছোৱা পুনৰ নিৰ্মাণ কৰাৰ দাবী উত্থাপন কৰে ৷
