মৰিগাঁও, 18 অক্টোবৰ: কাতি বিহুৰ দিনটোতে মৰিগাঁৱত সংঘটিত হ'ল এক অমানৱীয় ঘটনা ৷ কাতি বিহুৰ আনন্দ উল্লাসৰ মাজতে মৰিগাঁৱত উদ্ধাৰ নৱজাতকৰ মৃতদেহ ৷ নিশাৰ ভাগত কোনো লোকে শিশুটি পথৰ দাঁতিত পেলাই থৈ যোৱাৰ অভিযোগ ৷ স্থানীয় ৰাইজৰ অভিযোগ কোনো হৃদয়হীন পিতৃ মাতৃয়ে নিজৰ কলংক ঢাকিবলৈ শিশুটি এনেদৰে পথৰ দাঁতিত পেলাই থৈ যায় ৷
ঘটনাৰ বিৱৰণী অনুসৰি মৰিগাঁও আৰক্ষী থানাৰ অন্তৰ্গত বঘৰাৰ মৰিগাঁও-জাগিৰোড পথৰ দাঁতিত স্থানীয় লোকে নৱজাতকটিৰ মৃতদেহ প্ৰত্যক্ষ কৰে ৷ পুৱাৰ ভাগতে অঞ্চলটোত এই খবৰ বিয়পি পৰাৰ পাছতে স্থানীয় ৰাইজে মৰিগাঁও আৰক্ষীক বিষয়টো অৱগত কৰে ৷
লগতে পঢ়ক: লংকাত বন বিভাগৰ অভিযানত দালচেনী ভৰ্তি কণ্টেইনাৰ ট্ৰাক জব্দ
