মৰিগাঁও 19 অক্টোবৰ: দুগৰাকী শিক্ষক আৰু এজন যুৱকৰ এক সুন্দৰ প্ৰচেষ্টা ৷ তেওঁলোকৰ নাম ক্ৰমে হিতেশ শৰ্মা,দেবেন দাস আৰু বসন্ত ডেকা। যাৰ চিন্তাধাৰা আনতকৈ পৃথক। জীৱনৰ কুৰিটা বছৰে ব্যস্ত আছে বৃক্ষ ৰোপণত ৷ পথৰ দাঁতি দেখিলেই এটি গছপুলি ৰোপণ কৰাটো তেওঁলোকৰ কুৰি বছৰীয়া অভ্যাস ৷ মৰিগাঁৱৰ বিভিন্ন নামঘৰ,কীৰ্তন ঘৰ,সত্ৰ,বিদ্যালয়ৰ খেলপথাৰ আদিৰ ভূমিত বৃক্ষ ৰোপণৰে সকলোৰে চিনাকী হৈ পৰিছে৷ জাগীৰোড,মৰিগাঁৱৰ পথৰ দাঁতিত বিগত তিনি বছৰ ধৰি একেধাৰে গছ পুলি ৰোপণেৰে মৰিগাঁৱত এক জাগৰণ সৃষ্টি কৰিবলৈ সক্ষম হৈছে হিতেশ শৰ্মা,দেবেন দাস আৰু বসন্ত ডেকাৰ নামৰ তিনিজনীয়া দলটোৱে । তেওঁলোকৰ এই পদক্ষেপক এছামে ঠাট্টা মস্কৰা কৰাৰ বিপৰীতে শলাগ লৈছে বহুজনে।
লগতে চাওকঃ মাজুলীত মুকলি 'সাৰেঙ্গ ষ্টুডিঅ'
