মৰিগাঁও,25অক্টোবৰ : শুক্ৰবাৰে মৰিগাঁৱত সংঘটিত হয় শোকাৱহ পথ দুৰ্ঘটনা ৷ তীব্ৰবেগী এখন ট্ৰাকে মহতিয়াই নিয়ে এজন আৰক্ষী কনিষ্টবলক ৷ দুৰ্ঘটনাটোত মিকিৰভেটা আৰক্ষী থানাত কৰ্মৰত এজন কনিষ্টবল থিতাতে নিহত হয় ৷ নিহত কনিষ্টবলজনৰ নাম ফিৰোজ আলি ৷ আৰক্ষী কনিষ্টবলজনৰ ঘৰ মৰিগাঁৱৰ বৰিগাঁৱত ৷
মৰিগাঁৱত সংঘটিত হয় শোকাৱহ পথ দুৰ্ঘটনা
ঘটনা অনুসৰি, ফিৰোজ আলিয়ে মটৰচাইকেলেৰে থানাৰ পৰা ঘৰলৈ আহি থকাৰ পথতেই AS 21F 7565 নম্বৰৰ এখন ট্ৰাকে মহতিয়াই নিয়ে ৷ যাৰ ফলত থিতাতে নিহত হয় কনিষ্টবলজন ৷ ইফালে, ঘটনা সংঘটিত হোৱাৰ লগে-লগে স্থানীয় লোকে মৰিগাঁও অসামৰিক চিকিৎসালয়ত ভৰ্তি কৰে যদিও চিকিৎসকে মৃত বুলি ঘোষণা কৰে ৷ আৰক্ষীয়ে ঘটনা সন্দৰ্ভত আৰম্ভ কৰিছে তদন্ত ৷ কিন্তু ঘটনা সংঘটিত কৰিয়ে ট্ৰাকসহ পলায়ন কৰা চালকজনৰ বৰ্তমানেও কোনো সম্ভেদ উলিয়াব পৰা নাই আৰক্ষীয়ে ৷
