মৰিগাঁও, 8 আগষ্টঃ শুক্ৰবাৰে নিশা লাহৰীঘাটত সংঘটিত হয় এক নৃশংস ঘটনা ৷ এগৰাকী চালকক ডিঙি ৰেপি গাড়ীৰ ভিতৰতে পেলাই থৈ যায় অচিনাক্ত দুৰ্বৃত্তই ৷ নৃশংস ঘটনাটো সংঘটিত হয় লাহৰীঘাটৰ জলকীয়াবড়ীত ৷ চালকজনে ভাৰা মাৰি শুকুৰবাৰে নিশা AS 21C 9275 নম্বৰৰ মালবাহী টাটা মবাইল গাড়ীখন লৈ নিজ গৃহলৈ যোৱাৰ বাটতে অচিনাক্ত দুৰ্বৃত্তই ডিঙি কটাৰ লগতে শৰীৰৰ কেইবাটাও স্থানত ছুৰিৰে আঘাত কৰে ৷ স্থানীয় একাংশ লোকে গাড়ীত চালকজনক ছটফটাই থকা দেখি আৰক্ষীক খবৰ দিয়াত লাহৰীঘাট আৰক্ষীয়ে লাহৰীঘাট আদৰ্শ চিকিৎসালয়লৈ লৈ যায় চালকগৰাকীক ৷ চিকিৎসকে প্ৰাথমিক চিকিৎসা প্ৰদান কৰিয়েই লোকজনৰ অৱস্থা সংকটজনক হোৱা বাবে উন্নত চিকিৎসাৰ বাবে গুৱাহাটীলৈ প্ৰেৰণ কৰে ৷ গুৱাহাটীত চিকিৎধীন অৱস্থাত মৃত্যু হয় চালক জনৰ ৷
মৃত্যু হোৱা চালকজন ২ নং বড়বড়ী গাঁৱৰ ৰাব্বুল ইছলাম বুলি জানিব পৰা গৈছে ৷ তিনি সন্তানৰ পিতৃ বাবুল আলীয়ে গাড়ীখন চলাই পৰিয়ালক পোহ পাল দি আহিছিল ৷ কি কাৰণত এনে ঘটনা সংঘটিত হৈছে সেয়া আৰক্ষীৰ সঠিক তদন্ততহে পোহৰলৈ আহিব ৷
লগতে পঢ়কঃ কেৰালাত বিমান দুৰ্ঘটনাত 18 জন নিহত
