মৰিগাঁও,6 ছেপ্তেম্বৰঃ দেওবাৰে মৰিগাঁও ভূৰাগাঁৱত ৰাইজৰ মানৱ শৃংখলংৰে উত্তাল প্ৰতিবাদ সাব্যস্ত কৰে । ৰাজপথলৈ ওলাই আহিল শ শ গৰাখহনীয়াগ্ৰস্ত জনতা । ব্ৰহ্মপুত্ৰৰ খহনীয়াৰ স্থায়ী প্ৰতিৰোধ ব্যৱস্থাৰ দাবীত এওঁলোকে উত্তাল কৰিলে ৰাজপথ । জিঅ বেগ, পাৰ্কুপাইন, বাঁহৰ জেং পেলাই লুণ্ঠন কৰাৰ বিপৰীতে স্থায়ী প্ৰতিৰোধ ব্যৱস্থাৰ দাবী এইসকল খহনীয়া গ্ৰস্তৰ ।
উল্লেখ্যযোগ্য যে ,প্ৰতি বছৰে ভূৰাগাঁও ৰাজহ চক্ৰত ইখনৰ পাছত সিখন গাঁও নিঃচিহ্ন হৈছে ব্ৰহ্মপুত্ৰৰ বিধ্বংসী খহনীয়াত । চলিত বৰ্ষতো বহু পৰিয়ালে হেৰুৱাইছে ঘৰ ভেটি । জাহ গৈছে স্কুল, নামঘৰ, মছজিদ আৰু বিভিন্ন অনুষ্ঠান । সেয়ে এওঁলোকৰ দাবী আমাক অস্থায়ী প্ৰতিৰোধ ব্যৱস্থা নালাগে । কিন্তু চৰকাৰে শুনিবনে এই সকল খহনীয়াক্ৰান্তৰ দুৰ্দশাৰ গাঁথা ৷
লগতে পঢ়কঃ গোৱালপাৰাত প্ৰধানমন্ত্ৰী আৱাস যোজনাৰ নামত লুণ্ঠনৰ অভিযোগ
