মৰিগাঁও, 12 ছেপ্টেম্বৰ : মৰিগাঁৱত এজনৰ সলিল সমাধি । মৰিগাঁও জিলা ধৰমতুলত আৰক্ষী থানাৰ অন্তৰ্গত ১ নং গোণামাৰাৰ প্ৰতাপ মেধিৰ পুত্ৰ ভবেন মেধি যোৱা নিশাৰ পৰা নিখোজ হৈ আছিল । পুৱা ভাগত বাটৰুৱা এজনে এটা পুখুৰীৰ পাৰত এযোৰ হাৱাই চেণ্ডল প্ৰত্যক্ষ কৰি অনুসন্ধান চলোৱাত পুখুৰীত পৰি থকা অৱস্থাত প্ৰত্যক্ষ কৰে যুৱকজনক ।
ঘটনাৰ সন্দৰ্ভত স্থানীয় ধৰমতুলত আৰক্ষী থানাত খবৰ দিয়াৰ পাচতে ঘটনাস্থলীত আৰক্ষী উপস্থিত হৈ মৃতদেহটোৰ মৰণোত্তৰ পৰীক্ষা বাবে যাৱতীয় ব্যৱস্থা গ্ৰহণ কৰে । বৰ্তমানেও জানিব পৰা হোৱা নাই যুৱকজনৰ মৃত্যুৰ কাৰণ ৷
লগতে পঢ়ক : পুনেত অ'টো চালকে দাঙি ধৰিলে সততাৰ অন্যতম নিদৰ্শন
