মন্ত্ৰী হিমন্ত বিশ্ব শৰ্মাৰ মন্তব্যত তীব্ৰ প্ৰতিক্ৰিয়া নাগৰিক সমাজৰ

জাগীৰোডৰ বিজেপি শান্তি সমদলত অংশ লৈ মন্ত্ৰী হিমন্ত বিশ্ব শৰ্মাই দিয়া মন্তব্যত তীব্ৰ প্ৰতিক্ৰিয়া প্ৰকাশ নাগৰিক সমাজৰ ৷ লগতে অখিল গগৈক হেণ্ডকাফ লগাই গ্ৰেপ্তাৰ কৰি জেললৈ প্ৰেৰণ কৰা প্ৰসংগতো মত প্ৰকাশ সংবাদমেলত ৷

মৈৰাবাৰী, 29 ডিচেম্বৰ: মৰিগাঁও জিলাৰ জাগীৰোডৰ বিজেপি শান্তি সমদলত অংশ লৈ মন্ত্ৰী হিমন্ত বিশ্ব শৰ্মাই দিয়া মন্তব্যত তীব্ৰ প্ৰতিক্ৰিয়া প্ৰকাশ নাগৰিক সমাজৰ ৷ এই সম্পৰ্কে আজি মৈৰাবাৰী নাগৰিক সমাজৰ সহকাৰী সম্পাদক হিৰেণ শইকীয়া, ধিং সমষ্টিৰ প্ৰাক্তন বিধায়ক মজিবুৰ ৰহমান, শিক্ষাবিদ ডেহিৰাম শইকীয়াৰ লগতে কেইবাগৰাকীও বিশিষ্ট ব্যক্তিৰ সহযোগত এখন সংবাদমেল অনুষ্ঠিত হয় ৷ তদুপৰি সংবাদমেলত অখিল গগৈক হেণ্ডকাৰ্ফ লগাই গ্ৰেপ্তাৰ কৰি জেললৈ প্ৰেৰণ কৰি যি অমানৱিক মানসিক আৰু শাৰীৰিক অত্যাচাৰ কৰিছে, তাক তেওঁলোকে তীব্ৰ গৰিহণা দিছে বুলিও মন্তব্য প্ৰকাশ কৰাৰ লগতে অতি শীঘ্ৰেই তেওঁক বিনা স্বৰ্তে মুক্তি দিবলৈ দাবী জনায় ৷

ইয়োৰোপৰি এই সংবাদমেলত নাগৰিক সমাজৰ সহকাৰী সম্পাদক হিৰেণ শইকীয়াই প্ৰকাশ কৰে যে, মৈৰাবাৰীত আজিলৈ কোনো ধৰণৰ সাম্প্ৰদায়িক বেমেজালিৰ সৃষ্টি হোৱা নাই ৷ মন্ত্ৰী হিমন্ত বিশ্ব শৰ্মাই মৈৰাবাৰীক লৈ এক দুৰ্নাম আনিছে, যিটো অতিকৈ দুখৰ বিষয় ৷ এই মন্তব্য কৰাসকলক এবাৰ মৈৰাবাৰী অঞ্চললৈ আহি সেই অঞ্চলত বিৰাজমান সম্প্ৰীতি চাই যাবলৈয়ো আহ্বান জনায়, নাগৰিক সমাজৰ সহকাৰী সম্পাদক গৰাকীয়ে ৷

লগতে পঢ়ক: প্ৰিয়ংকা আৰু ৰাহুল নিচাসক্তঃ সাধ্বী প্ৰাচী