মৰিগাঁও, 21 মেঃ ৰাজ্যত প্ৰতিদিনে ক্ৰমাৎ বৃদ্ধি পাইছে কৰ'ণাত আক্ৰান্ত ৰোগীৰ সংখ্যা । কিন্তু ইয়াৰ পিছতো যেন গা লৰা নাই একাংশ লোকৰ । অৰ্থনৈতিক অৱস্থাৰ প্ৰতি লক্ষ্য ৰাখি লক ডাউন আইনৰ ক্ষেত্ৰতো কিছু শিথিলতা প্ৰদান কৰিছে চৰকাৰে । যদিও চৰকাৰে পৰাপক্ষত লোকসকলক প্ৰয়োজন নহ'লে ঘৰতে সোমাই থকাৰ বাবে আহ্বান জনাইছে । লগতে 10 বছৰৰ অনুৰ্ধ শিশু তথা বৃদ্ধ লোকসকলকো ঘৰত সোমাই থাকিবলৈ আহ্বান জনোৱা হৈছে ।
উল্লেখ্য যে, মৰিগাঁৱত বৃহস্পতিবাৰে দেখা গ'ল এক ভয়ংকৰ দৃশ্য । কোলাত কণমানি কেঁচুৱা লৈয়ে পিতৃ-মাতৃয়ে কাপোৰৰ দোকানত ভিৰ কৰা পৰিলক্ষিত হয় । চৰকাৰী নীতি-নিৰ্দেশনাক অংগুষ্ঠ দেখুৱাই স্বাভাৱিক অৱস্থাৰ দৰেই ওলাই আহিছে লোকসকল । ইতিমধ্যে মাস্ক পৰিধান নকৰা ব্যৱসায় তথা গ্ৰাহকৰ উপৰিও অধিক গ্ৰাহকে ভিৰ কৰা ব্যৱসায়ীক প্ৰতিষ্ঠানক মৈৰাবাৰী আৰক্ষীয়ে জৰিমণা বিহা হৈছে ।
লগতে পঢ়ক- জ্যেষ্ঠ সাংবাদিক মোজাহিদুল হকৰ দেহাৱসান
