মৰিগাঁও,18 মাৰ্চ : নিৰ্বাচনী প্ৰচাৰ অভিযানৰ মাজতেই ভূৰাগাঁৱত দুই ফৈদৰ মাজত হতাহতি । পুত্ৰৰ হৈ নিৰ্বাচনী প্ৰচাৰ চলাবলৈ আহি লাহৰীঘাট সমষ্টিৰ ভূৰাগাঁৱত ভোটাৰ ৰাইজৰ ৰোষত পৰিল প্ৰাক্তন মন্ত্ৰী, বিধায়ক ডাঃ নজৰুল ইছলাম ।
গ'বেগ ধ্বনি দিয়াক লৈ বিধায়ক ডাঃ নজৰুল ইছলামৰ সমৰ্থক আৰু ক্ষোভিত ভোটাৰৰ মাজত তীব্ৰ বাক-বিতণ্ডা হতা-হতিৰ সৃষ্টি হয় । ইয়াৰ পাছতেই ভূৰাগাঁও আৰক্ষীৰ এটা দল উপস্থিত হৈ পৰিস্থিতি নিয়ন্ত্ৰণ কৰে ।
উল্লেখ্য যে বিধায়কজনে পৰিয়ালকেন্দ্ৰিক ৰাজনীতিৰ পৰম্পৰা বৰ্তাই ৰাখিবলৈ নিজৰ পুত্ৰক টিকট দিয়াৰ পিছতেই আৰু অধিক ক্ষোভিত হৈ পৰিছে সমষ্টিৰ ভোটাৰ ৰাইজ । ইতিমধ্যে সমষ্টিৰ বিভিন্ন স্থানত বিধায়ক আৰু তেওঁৰ পুত্ৰ তথা কংগ্ৰেছ আৰু মহাজোঁটৰ প্ৰাৰ্থীৰ ৰোষৰ বলি হ'ব লগা হৈছে ।
