মৰিগাঁও, 19 জুলাইঃ মৰিগাঁও জাগীৰোডত বজ্ৰপাত পৰি মহিলাৰ মৃত্যু ৷ লগতে গুৰুতৰভাৱে আহত আন ৫ গৰাকী মহিলা । বজ্ৰপাতত নিহত মহিলা গৰাকী পশ্চিম নগাঁৱৰ প্ৰদীপ কোঁৱৰৰ পত্নী গীতা কোঁৱৰ । আনহাতে, আহত মহিলা কেইগৰাকী হৈছে শোভা কোঁৱৰ, নিজৰা কোঁৱৰ, তৰামাই কোঁৱৰ, জোনালী কোঁৱৰ আৰু লাৱণ্য কোঁৱৰ ৷ আহত পাঁচগৰাকী মহিলাকে জি এম চি এইচলৈ উন্নত চিকিৎসাৰ বাবে প্ৰেৰণ কৰে । উল্লেখ্য যে, আটাইকেইগৰাকী মহিলায়ে পথাৰত ভূঁই ৰুই থকা অৱস্থাত বজ্ৰপাত পৰে ।
জাগীৰোডত বজ্ৰপাতঃ 1 জনৰ মৃত্যু, 5 জন আহত
