মৰিগাঁও,17 অক্টোবৰ: বৃহস্পতিবাৰে মৰিগাঁৱত কপিলী নদীত উটি আহিল এটা আবক্ষ মূৰ্তি। ঘটনাৰ বিৱৰণী মতে,মৰিগাঁৱৰ আহঁতগুৰিৰ পূৱ ডাৱৰঘাটৰ নিবাসী কেশৰাম মেধিয়ে নদীৰ পাৰলৈ যাওঁতে পানীত ওপঙি অহা প্ৰত্যক্ষ কৰি উদ্ধাৰ কৰে এই আবক্ষ মূৰ্তিটো। লগে লগে ব্যক্তিজনে মৰিগাঁও আৰক্ষীক খবৰ দিয়ে ৷ মৰিগাঁও আৰক্ষী অধীক্ষক স্বপ্ননীল ডেকাই ধৰমতুলত মূৰ্তিটো প্ৰাথমিক পৰীক্ষা কৰি সাধাৰণ চিমেণ্টৰ দ্বাৰা নিৰ্মিত বুলি ধাৰণা কৰিছে ।
আৰক্ষীয়ে এই আবক্ষ মূৰ্তিটো উমৰাংচুৰ নীপকোৰ জলবিদ্যুত প্ৰকল্পৰ পৰা উটি অহাৰ সন্দেহ প্ৰকাশ কৰিছে। বৰ্তমানলৈকে উদ্ধাৰ হোৱা মূৰ্তিটো কাৰ,কিয় এনেদৰে অৱহেলিত কৰি পানীত উটুৱাই দিলে তাক জানিব পৰা হোৱা নাই ৷ ঘটনাটোক লৈ অঞ্চলটোত তীব্ৰ প্ৰতিক্ৰিয়াৰ সৃষ্টি হৈছে।
কপিলী নদীত উদ্ধাৰ আবক্ষ মূৰ্তি
