ছ'চেং ধেণ্টা আৰু নমাটি পৰিষদীয় সমষ্টিত বিজেপিৰ গান্ধী সংকল্প যাত্ৰাঃ
ডিফুঃ ১৫০ বছৰীয়া গান্ধী জয়ন্তী উপলক্ষে ১৫ অক্টোবৰৰ পৰা ৩০ অক্টোবৰলৈ সমগ্ৰ দেশজুৰি বিজেপিয়ে আৰম্ভ কৰা গান্ধী সংকল্প যাত্ৰাৰ অংশ স্বৰূপে বিজেপি শাসনাধীষ্ঠ কাৰ্বি আংলং স্বায়ত্ত শাসিত পৰিষদেও শনিবাৰে ছ'চেংধেণ্টা পৰিষদীয় সমষ্টিৰ পাৰ্কুপ আংলঙত ষষ্ঠদিনৰ বাবে দশম গান্ধী সংকল্প পদযাত্ৰা উলিয়ায় ৷ এই সংকল্প যাত্ৰাত কাৰ্বি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙং,সাংসদ হৰেণসিং বে',বিধায়ক জয়ৰাম ইংলেঙকে ধৰি পৰিষদৰ কেইবাগৰাকী ই এম আৰু এমএচিয়ে অংশ গ্ৰহণ কৰে ৷
'ভাৰত মাতা কী জয়' ধ্বনিৰে মুখৰিত হ'ল মৰিগাঁও চহৰৰ পৰিৱেশঃ
মৰিগাঁওঃ ৰাজ্যৰ বিভিন্ন জিলাৰ সমান্তৰালকৈ মৰিগাঁৱটো শনিবাৰে বিজেপি কৰ্মীসকলে গান্ধী সংকল্প যাত্ৰা উলিয়ায় ৷ জিলাখনৰ শতাধিক কৰ্মীয়ে বিভিন্ন ঠাইত পদযাত্ৰাৰে উপস্থিত হৈ গান্ধীৰ এই সংকল্প যাত্ৰাৰ অংশীদাৰ হ'বলৈ আহ্বান জনায় ।
প্ৰতিকূল বতৰকো নেওচি মৰিয়নীত শতাধিক বিজেপি কৰ্মীৰ সংকল্প যাত্ৰাঃ
মৰিয়নীঃ মহামানৱ মহাত্মা গান্ধীৰ ডেৰশ বছৰীয়া জন্মজয়ন্তী উদযাপন লগত সংগতি ৰাখি সমগ্ৰ ভাৰতবৰ্ষতে বিজেপিয়ে এক সংকল্প যাত্ৰা অনুষ্ঠিত কৰিছে। শনিবাৰে প্ৰতিকূল বতৰকো নেওচি বিয়লি মৰিয়নীৰ ডকলঙিয়া চাহ বাগিচাৰ পৰা এই সংকল্প যাত্ৰাৰ আৰম্ভণি কৰে। এই সংকল্প যাত্ৰাত যোৰহাটৰ সাংসদ তপন গগৈ,বিজেপিৰ ৰাজ্যিক কাৰ্যালয়ৰ প্ৰভাৰী শান্তনু পূজাৰীকে ধৰি প্ৰায় শতাধিক বিজেপিৰ কৰ্মকতাই অংশ লয় ।
