মৰিগাঁও, 8 ডিচেম্বৰ: মৰিগাঁৱত আগমণ শীতৰ পখীৰ ৷ শীতকালত বিগত বছৰসমূহত জিলাখনৰ উদপুৰ বিল মুখৰিত হৈ পৰে হাজাৰ হাজাৰ পক্ষীৰ জলকেলিৰ কলৰৱত ৷ কিন্তু মাছমৰীয়াৰ দৌৰাত্ম্যৰ বাবে নিকতৱৰ্তী আন এক জলাশয়লৈ ঢাপলি মেলিছে পক্ষীকুলে ৷
মৰিগাঁৱত বিপদাপন্ন অৱস্থাত শীতৰ পখী
তাৰ পাচতো উদয় হৈছে আন এক সমস্যাৰ ৷ প্ৰতিদিনেই সেই স্থানত আগমন ঘটা নানা লোকৰ বাহনৰ লগতে চাওণ্ড চিষ্টেমৰ উচ্চ ধ্বনিৰ ফলত হোৱা শব্দ প্ৰদূষণে শংকিত কৰি তুলিছে পক্ষীকুলক ৷ যাৰ বাবে মুক্তমনে জলকেলি কৰিব পৰা নাই পক্ষীকুলে ৷ এনেক্ষেত্ৰত শীতৰ আলহীবৃন্দৰ মুক্ত বিচৰণত লৈ চিন্তিত হৈ পৰিছে সচেতন নাগৰিককে ধৰি যুৱসমাজ ৷ স্থানীয় লোকৰ লগতে যুৱ সমাজে প্ৰকৃতিৰ অপূৰ্ব সৃষ্টি পক্ষীকুললৈ বিপদ মাতি নানিবলৈ সংবাদ মাধ্যমযোগে আহ্বান জনালে ৰাইজক ৷
লগতে পঢ়ক: হালধীয়া আস্বাদনে আৱৰি ধৰিছে মাজুলীক
