মৰিগাঁও, 19 ফেব্ৰুৱাৰী : অসম বচাওঁ আহক বতৰা লৈ শুকুৰবাৰে ধিং সমষ্টিৰ মৈৰাবাৰীত উপস্থিত হয় কংগ্ৰেছ দলৰ বিধায়িনী দলৰ উপ-দলপতি তথা প্ৰচাৰ সমিতিৰ অধ্যক্ষ ৰকিবুল হুছেইনৰ নেতৃত্বত এটা কংগ্ৰেছৰ দল ৷ অসম প্ৰদেশ কংগ্ৰেছ কমিটিৰ এই ব্যতিক্ৰমী গণ সংযোগ অভিযানৰ মৈৰাবাৰীত শুভাৰম্ভ কৰা ৰকিবুল হুছেইনে প্ৰথমে কংগ্ৰেছ কৰ্মীসকলৰ সৈতে মত বিনিময় কৰে ৷
ইয়াৰ পাছত ভাষণ প্ৰসংগত ৰকিবুল হুছেইনে কয় যে, বিজেপিৰ জনবিৰোধী নীতিৰ পৰা অসমৰ জনসাধাৰণক বচাব লাগিব ৷ সেই উদ্দেশ্য তেওঁ মৈৰাবাৰীত উপস্থিত হোৱা বুলি মন্তব্য আগবঢ়ায় ৷ ভাষণত অত্যাৱশ্যকীয় সামগ্ৰীৰ মূল্যবৃদ্ধিৰ লগতে পেট্ৰল-ডিজেলৰো মূল্যবৃদ্ধি হৈছে আৰু এনেবোৰ সামগ্ৰীৰ মূল্যবৃদ্ধি কৰি উপাৰ্জন কৰা ৰাজকোষৰ ধন এজন মন্ত্ৰীয়ে উৰুৱাইছে বুলিও মন্তব্য কৰে ৰকিবুল হুছেইনে ৷ এই অসম বচাও কাৰ্যসূচীত ধিং সমষ্টিৰ মৈৰাবাৰী অঞ্চলৰ 2000 হাজাৰোধিক লোক উপস্থিত থাকে ৷
লগতে পঢ়ক : সোণাৰি আৰক্ষীৰ ওচৰত সন্তানসহ আত্মসমৰ্পণ মহিলা কেডাৰৰ
