শিক্ষক নোহোৱা বিদ্যালয়ত উত্তীৰ্ণৰ হাৰ 71% !

1280 জন ছাত্ৰ-ছাত্ৰীৰ বিপৰীতে 13 জন শিক্ষক ৷ কিন্তু শিক্ষান্ত পৰীক্ষাত উত্তীৰ্ণৰ হাৰ 71 শতাংশ।

মৰিগাওঁ, ১৬ মেঃ পৰ্যাপ্ত শিক্ষকৰ অভাৱ কিন্তু তাৰ পাচতো চকুত লগা ফলাফল এখন চৰকাৰী বিদ্যালয়ৰ ৷ মৰিগাওঁ জিলাৰ মৈৰাবাৰীৰ দলৈগাঁও উচ্চতৰ মাধ্যমিক বিদ্যালয়, নাই পৰ্যাপ্ত শিক্ষক, 1280 জন ছাত্ৰ-ছাত্ৰীৰ বিপৰীতে 13 জন শিক্ষক ৷ কিন্তু শিক্ষান্ত পৰীক্ষাত উত্তীৰ্ণৰ হাৰ 71 শতাংশ।

বহু বছৰৰ ধৰি পৰ্যাপ্ত শিক্ষক অবিহনে চলি আহিছে বিদ্যালয়খন । শিক্ষানুষ্ঠানখনৰ পৰা প্ৰত্যেক বছৰে দুই এজনকৈ শিক্ষক শিক্ষয়িত্ৰী অৱসৰ গ্ৰহন কৰাৰ পাছতো শিক্ষা বিভাগে এই খালি পদ সমূহ পূৰণ নকৰাত বৰ্তমান 31 জন শিক্ষকৰ অভাৱ বিদ্যালয়খনত ।

বৰ্তমান 13 জন শিক্ষক-শিক্ষয়িত্ৰীয়ে বহু অসুবিধাৰ মাজতে পাঠদান চলাই নিব লগা হৈছে বিদ্যালয়খনত । এই সমস্যা সমাধানৰ বাবে চৰকাৰে অতি শীঘ্ৰেই শিক্ষক নিযুক্তি দি বিদ্যালয়খনৰ শৈক্ষিক পৰিবেশ ঘুৰাই আনিবৰ বাবে স্থানীয় ৰাইজে দাবী কৰিছে । কিন্তু তাৰ বিপৰীতে সদ্যঘোষিত হাইস্কুল শিক্ষান্ত পৰীক্ষাৰ ফলাফলত উত্তীৰ্ণ হাৰ 71 শতাংশ লাভ কৰিবলৈ সক্ষম হৈছে ছাত্ৰ-ছাত্ৰী সকলে । তাৰোপৰি তিনিগৰাকী শিক্ষাৰ্থীয়ে ষ্টাৰ নম্বৰ লাভ কৰিছে ৷

বিদ্যালয়খনৰ এই ফলাফলে এতিয়া উৎফুল্লিত কৰি তুলিছে শিক্ষক, ছাত্ৰ-ছাত্ৰীৰ লগতে স্থানীয় ৰাইজে ৷

লগতে আন এটা বাতৰি- আৰ্থিক বাধাকো নেওচি হাইস্কুল শিক্ষান্ত পৰীক্ষাত ধিঙৰ ছাত্ৰীৰ সাফল্য