ধিং, 4 জুন : বুধবাৰে মৈৰাবাৰীত এজন সাংবাদিকে মানৱীয়তাৰ পৰিচয় দি এগৰাকী অসহায় বৃদ্ধক প্ৰেৰণ কৰে বৃদ্ধাশ্ৰমলৈ ৷ সমগ্ৰ দেশৰ জনজীৱন অস্থিৰ কৰি তোলা কৰ’ণা মহামাৰীৰ বিভীষিকাৰ ভয়াৱহতাৰ মাজতে বুধবাৰে মৈৰাবাৰী প্ৰেছ ক্লাবৰ এদল সাংবাদিকে মৈৰাবাৰী বজাৰৰ গৰু মহলৰ এটি কদৰ্যময় পৰিৱেশৰ মাজৰ পৰা এজন অসহায় বৃদ্ধাক উদ্ধাৰ কৰিবলৈ সক্ষম হয় ।
বৃদ্ধজন যোৱা কিছু দিন ধৰি এক অসহায় অৱস্থাত কোনো মতে জীয়াই আছিল । ঠিকনাবিহীন বৃদ্ধগৰাকীয়ে যোৱা কিছু দিনধৰি পৰি থকাৰ দৃশ্য মৈৰাবাৰী প্ৰেছ ক্লাৱৰ এদল সাংবাদিকে প্ৰত্যক্ষ কৰে ৷ মৈৰাবাৰী বজাৰস্থিত গৰু মহলৰ পৰা বৃদ্ধ ব্যক্তিজনক উদ্ধাৰ কৰে ৷ উল্লেখযোগ্য যে, এই বৃদ্ধ ব্যক্তিজন যোৱা কিছুদিন ধৰি মৈৰাবাৰী বজাৰত অতি কষ্টসাধ্য সময় অতিবাহিত কৰি আছিল যদিও কোনো এজন লোকে উক্ত ব্যক্তিজনক উদ্ধাৰ কৰা নাছিল ৷
লগতে পঢ়ক : পুনৰ বন্ধ হৈ পৰিব নেকি শৰাইঘাটৰ পুৰণি দলং ?
