ভালুকৰ সাঙীত পৰিণত মৰিগাঁৱৰ এটা উপ স্বাস্থ্য কেন্দ্ৰ

মৰিগাঁৱত ভালুকৰ সাঙীত পৰিণত এটা চৰকাৰী স্বাস্থ্য উপকেন্দ্ৰ। জহিখহি যোৱা উপক্ৰম হৈছে কেন্দ্ৰটো তথাপি কাণসাৰ নাই বিভাগীয় কৰ্তৃপক্ষৰ ৷

মৰিগাঁও,12নৱেম্বৰঃ মৰিগাঁৱৰ জিলা ৰাষ্ট্ৰীয় স্বাস্থ্য অভিযান মিছনৰ অধীনত স্থাপন কৰা এটা স্বাস্থ্য উপকেন্দ্ৰ দীৰ্ঘ দিন ধৰি মেৰামতি নকৰাৰ ফলত এজাক বৰষুণত পানী পৰি বেৰঘৰ জহিখহি গৈছে । ফলত এই কেন্দ্ৰটোলৈ আহিব নিবিচাৰে চিকিৎসক তথা চিকিৎসা কৰ্মীসকল। ইয়াৰ পৰিপ্ৰেক্ষিতত অঞ্চলটো ৰাইজৰ বাবে বুমেৰাং হৈ পৰিছে স্বাস্থ্য বিভাগৰ চৰকাৰী চিকিৎসা ব্যৱস্থা ।

ভালুকৰ সাঙীত পৰিণত মৰিগাঁৱৰ এটা উপ স্বাস্থ্য কেন্দ্ৰ

মনকৰিবলগীয়া কথা যে ৰাজ্যিক মন্ত্ৰী পীয়ূষ হাজৰিকাৰ গৃহ সমষ্টিৰ এইটো স্বাস্থ্য উপকেন্দ্ৰই দাঙি ধৰিছে মন্ত্ৰী পীয়ূষ হাজৰিকা স্বাস্থ্য বিভাগৰ প্ৰকৃত ছবিখন ৷ জহি খহি যোৱা উপ স্বাস্থ্য কেন্দ্ৰটোত চিকিৎসাটো বাদেই সময়ত বিচাৰিলে চিকিৎসক বা চিকিৎসা কৰ্মীও পাবলৈ টান ৷ চৰকাৰে আজি পৰ্যন্ত উপ স্বাস্থ্য কেন্দ্ৰটো পুনৰ নিৰ্মাণ অথবা মেৰামতিৰ ব্যৱস্থা নকৰাত স্থানীয় ৰাইজে ক্ষোভ প্ৰকাশ কৰিছে ৷ অনতি পলমে উপ স্বাস্থ্য কেন্দ্ৰটোৰ ব্যৱস্থা কৰিবলৈ দাবী জনাইছে অঞ্চলটোৰ ৰাইজে ৷

লগতে চাওকঃ দীপাৱলী উপলক্ষে চিৰাঙৰ আৰক্ষী অধীক্ষকৰ জিলাবাসীলৈ বিশেষ আহ্বান