মাজুলী, 11 আগষ্ট : প্ৰৱঞ্চনাৰ গোচৰত অভিযুক্ত ৰাণা পগাগ আৰু তেওঁক সহযোগ কৰাৰ অভিযোগত অভিযুক্ত এছ আই জোনমণি ৰাভা বুধবাৰে হাজিৰ হয় মাজুলীৰ মুখ্য ন্যায়িক দণ্ডাধীশৰ আদালতত (Case on SI Joonmoni Rabha) ৷ দুয়োগৰাকীৰ ওপৰত থকা অভিযোগৰ বিচাৰ অহা ৯ ছেপ্টেম্বৰৰ পৰাহে আৰম্ভ হ’ব বুলি জানিবলৈ দিছে অধিবক্তাই । ৯ ছেপ্টেম্বৰত তেওঁলোক দুয়োৰে ওপৰত আৰোপিত গোচৰৰ কোন সমূহ ধাৰা বিচাৰৰ যোগ্য তাৰ শুনানি আৰু বিচাৰ আৰম্ভ হ’ব বুলি জানিবলৈ দিছে অধিবক্তাগৰাকীয়ে (Rana Pogag fraud controversy) ।
উল্লেখযোগ্য যে, ভাবি স্বামী ৰাণা পগাগৰ লগত মিলি অইলত কাম দিয়াৰ টোপ দি লাখে লাখে টকা আত্মসাৎ কৰাৰ অভিযোগ উত্থাপিত হৈছিল জোনমণি ৰাভাৰ বিৰুদ্ধে । প্ৰৱঞ্চনাৰ কেইবাটাও অভিযোগেৰে মাজুলীৰ তিনিগৰাকী ব্যৱসায়ীয়ে এজাহাৰত জোনমণি ৰাভাক মূল অভিযুক্ত হিচাপে অভিহিত কৰিছিল । ইয়াৰ পিছতে আৰক্ষীয়ে দুয়োকে জেৰা চলায় আৰু দুয়োকে জেললৈ প্ৰেৰণ কৰে ।
পৰৱৰ্তী সময়ত দুয়ো জেলৰ পৰা জামিন লাভ কৰে । জামিন লাভৰ পাছত কালি প্ৰথমবাৰৰ বাবে আদালতত হাজিৰ হয় দুয়োজন অভিযুক্ত ।
ৰাণাৰ বিৰুদ্ধে আছিল অ‘ এন জি চিত কাম দিয়াৰ বাবে ধন লৈ প্ৰৱঞ্চৱনা কৰাৰ অভিযোগ উঠিছিল ৷ খোদ প্ৰেমিকা জোনমণি ৰাভাই তৰিছিল গোচৰ ৷ কিন্তু ৰাণা পগাগক আটক কৰাৰ পাচতেই ঘটনাই ঘটনাই লৈছিল অন্য মোৰ ৷ ৰাণা পগাগৰ সমগ্ৰ প্ৰৱঞ্চাৰ সৈতে প্ৰেমিকা তথা SI জোনমণি ৰাভা জড়িত থকাৰ অভিযোগ উঠে (SI Joonmoni Rabha controversy)৷ ভাইৰেল হয় ধনৰ বাবে কৰা কেইবাটাও ফোনকলৰ অ’ডিঅ’ ৰেকৰ্ড ৷
তাৰোপৰি মাজুলীত জোনমণি ৰাভা ভাৰা থকা ঘৰটোৰ গৰাকীয়েও সংবাদ মাধ্যমৰ সন্মুখত বিস্ফোৰক ভাষ্য প্ৰদান কৰে ৷ বহুকেইজন লোকে জোনমণি ৰাভাৰ বিৰুদ্ধে আনে অভিযোগ ৷ তাৰ পাচতেই জেললৈ যাব লগীয়া হৈছিল দুয়োজন ৷
লগতে পঢ়ক: Junmioni Rabha Bail: জামিন লাভৰ পাচতে আদালতক ধন্যবাদ জনালে জোনমণি ৰাভাই
