ব্ৰহ্মপুত্ৰৰ বুকুত আবদ্ধ কেইবাজনো ৰাজনৈতিক নেতা

মাজুলীত ব্ৰহ্মপুত্ৰৰ বুকুত ফেৰীত আবদ্ধ হৈ পৰে অসম ক্ৰিকেট সন্থাৰ সভাপতি ৰমেন দত্তসহ কেইবাজনো ৰাজনৈতিক নেতা ৷ ব্ৰহ্মপুত্ৰৰ মাজৰে এটা অজ্ঞাত চাপৰিত আবদ্ধ হৈ আছে লোকসকল ৷

মাজুলী, 15 এপ্ৰিল: বুধবাৰে দুপৰীয়া ভাগৰ পৰা ৰাজ্যজুৰি তাণ্ডৱৰ সৃষ্টি কৰে এজাক প্ৰলয়ংকাৰী ধুমুহাই ৷ এই ধুমুহাৰ ফলত ৰাজ্যৰ বিভিন্ন জিলাত ক্ষতিগ্ৰস্ত হয় ঘৰ-দুৱাৰৰ লগতে খেতি পথাৰ আৰু গছ-গছনি ৷ ইয়াৰ সমান্তৰালকৈ হাহাকাৰ পৰিস্থিতিৰ সন্মুখীন হ'ব লগা হয় নদী পথেৰে যাত্ৰা কৰা যাত্ৰী সকল ৷

উল্লেখ্য যে ধুমুহাৰ ফলত মাজুলীত ব্ৰহ্মপুত্ৰৰ বুকুত ফেৰীত আবদ্ধ হৈ পৰে অসম ক্ৰিকেট সন্থাৰ সভাপতি ৰমেন দত্ত, বিজেপি নেতা মনোজ বৰা, বিজেপি কাৰ্যকৰ্তা লক্ষজিৎ হাজৰিকা,পৰশ প্ৰতিম শইকীয়াসহ নাৱৰ 5 জন কৰ্মচাৰী আৰু গড়মূৰ সৰু সত্ৰৰ সত্ৰাধিকাৰ হৰিদেৱ গোস্বামী ৷ প্ৰচণ্ড ধুমুহাৰ ফলত আতংকিত হৈ ব্ৰহ্মপুত্ৰৰ মাজৰে এটা অজ্ঞাত চাপৰিত আবদ্ধ হৈ থাকে লোকসকল ৷ বাতৰি প্ৰেৰণ কৰা পৰলৈকে ব্ৰহ্মপুত্ৰৰ মাজৰ পৰা পাৰলৈ আহিব পৰা নাই লোক কেইজন ৷

লগতে পঢ়কঃ তেজপুৰত কৃষি মন্ত্ৰী অতুল বৰাৰ জৰুৰী বৈঠক