মাজুলীত অৱসৰ প্ৰাপ্ত সৈনিক সমাৰোহ

মাজুলীত অৱসৰ প্ৰাপ্ত সৈনিক সকলক লৈ সৈনিক সমাৰোহৰ আয়োজন ৷ দেশৰ প্ৰতিৰক্ষাৰ ক্ষেত্ৰত সেৱা আগবঢ়োৱা মাজুলীৰ অৱসৰ প্ৰাপ্ত সৈনিক সকলক লৈ মাজুলীৰ বনগাঁৱত দিনযোৰা কাৰ্যসূচীৰে অৱসৰপ্ৰাপ্ত সৈনিক সমাৰোহ খনৰ অনুষ্ঠিত কৰা হয় ৷

মাজুলী, 14 ফেব্ৰুৱাৰী: দেশৰ প্ৰতিৰক্ষাৰ ক্ষেত্ৰত সেৱা আগবঢ়োৱা মাজুলীৰ অৱসৰ প্ৰাপ্ত সৈনিক সকলক লৈ মাজুলীত অনুষ্ঠিত কৰা হ'ল এক অৱসৰপ্ৰাপ্ত সৈনিক সমাৰোহৰ ৷ মাজুলীৰ বনগাঁৱত দিনযোৰা কাৰ্যসূচীৰে অৱসৰপ্ৰাপ্ত সৈনিক সমাৰোহ সম্পন্ন হয় ৷

যোৰহাটস্থিত অৱসৰ প্ৰাপ্ত সৈনিক সকলৰ মুখ্য কাৰ্যালয়ৰ নিৰ্দেশ মৰ্মে মাজুলী জিলাৰ অৱসৰ প্ৰাপ্ত সৈনিক সন্থাৰ সহযোগত দ্বীপ জিলা মাজুলীৰ বনগাঁৱত এই প্ৰাক্তন সৈনিক সন্থাৰ সমাৰোহ খন অনুষ্ঠিত হয় ৷

সমাৰোহ খনিত মাজুলীৰ অৱসৰ প্ৰাপ্ত সৈনিক সকলে সন্মুখীন হৈ অহা বিভিন্ন সমস্যাৰ লগতে কেন্দ্ৰ আৰু ৰাজ্য চৰকাৰৰ পৰা পাব লগীয়া সুবিধা সমূহৰ উপৰত এক আলোচনা অনুষ্ঠিত হয় বুলি জানিব পৰা গৈছে ৷

সমাৰোহত যোৰহাট সৈনিক কাৰ্যালয়ৰ বহু কেইগৰাকী কৰ্মচাৰীৰ লগতে মাজুলীৰ অৱসৰ প্ৰাপ্ত সৈনিক আৰু সৈনিকৰ পৰিয়াল সমূহো উপস্থিত থাকে ৷

লগতে পঢ়ক: পৰেশ বৰুৱাৰ বাসগৃহত তামোল-পাণ লৈ উপস্থিত অপহৃতৰ পৰিয়াল