মাজুলী,10 মে': ৰাজ্যত ক্ৰমাৎ অপ্ৰতিৰোধ্য হৈ পৰিছে ক’ভিড-19 ৰ সংক্ৰমণ ৷ সমান্তৰালভাৱে গণ সংক্ৰমণৰ দিশে গতি কৰিছে মাজুলীৰ ২নং কুঁহিয়াৰবাৰী গাঁও ৷ এই পৰ্যন্ত গাঁৱখনৰ ৬৫ গৰাকী লোকক কৰা ক’ভিড টেষ্টত ২৫ জনৰ দেহত ধৰা পৰে ক’ভিড-19 ৰ অৱস্থিতি ।
উল্লেখ্য যে, যোৱা কেইদিনমানৰ আগত দক্ষিণপাটত মাজুলী-নিমাতী দলং নিৰ্মাণ কোম্পানীত কাম কৰিবলৈ বাবে অহা বহুকেইজন লোকৰ দেহত ক'ভিড-19 ৰ অৱস্থিতি ধৰা পৰিছিল ৷
মাজুলীত কৰ’ণাৰ গণ সংক্রমণ
এই দলং নিৰ্মাণ কোম্পানীত কৰ্মৰত আছিল ২নং কুহিয়াবাৰী গাঁৱৰ এজন যুৱক । কিছুদিন পূৰ্বে 2 নং কুঁহিয়াৰবাৰী গাঁৱত অনুষ্ঠিত এখন বিবাহৰ বাবে গাঁৱলৈ আহিছিল দলং নিৰ্মাণৰ জড়িত থকা এই যুৱকজন ৷ এই যুৱকজনৰ পৰাই গণ সংক্ৰমণৰ আশংকা কৰা হৈছে ৷
লগতে পঢ়ক : ক'ভিড-১৯: বিগত ২৪ ঘণ্টাত মিজোৰামত ৫ জনৰ মৃত্যু
