মাজুলী, 7 চেপ্টেম্বৰ: আজিৰে পৰা পুনৰ আৰম্ভ হৈছে অফলামুখ নিমাতি ফেৰী সেৱা (Majuli Nimati ferry service opened) ৷ মঙলবাৰৰ পৰা ব্ৰহ্মপুত্ৰ নদীৰ পানী কিছু পৰিমাণে হ্ৰাস পোৱাৰ ফলত পুনৰ আৰম্ভ হৈছে মাজুলী নিমাতিৰ মাজত চলাচল কৰা হৈছে এই ফেৰী সেৱা । মাজুলীৰ অফলামুখ ঘাটৰ পৰা ইতিমধ্যে আজি এখন ফেৰী নিমাতি অভিমুখে ৰাওনা হৈছে ৷ ঠিক একেদৰে নিমাতি ঘাটৰ পৰা এখন ফেৰী মাজুলী অভিমুখে গৈছে ।
উল্লেখ্য যে, যোৱা কেইবাদিনৰ পৰা হৈ থকা নেৰা-নেপেৰা বৰষুণৰ ফলত বৃদ্ধি পাইছিল ব্ৰহ্মপুত্ৰৰ জলস্তৰ ৷ ফলত নদীৰে কাঠ আৰু জাবৰ উটি অহাৰ ফলত হ’ব পৰা যিকোনো বাধাৰ বাবে ৫ চেপ্টেম্বৰৰ পৰা বন্ধ কৰা হৈছিল এই মাজুলী নিমাতি ফেৰী সেৱা (Ferry service closed due to heavy rain) ৷ ফলত ফেৰী সেৱা বন্ধ কৰি দিয়াত যাত্ৰীসকলৰ মাজত একপ্ৰকাৰে হাহাকাৰময় পৰিস্থিতিৰ সৃষ্টি হৈছিল ৷
যদি পানী এনেদৰে ক্ৰমাৎ হ্ৰাস পোৱা পৰিলক্ষিত হয় তেন্তে কাইলৈৰ পৰা পূৰ্বৰ সময়-সূচী মতেই ফেৰী সেৱা চলাচল কৰাৰ আশা ব্যক্ত কৰিছে আভ্যন্তৰীণ জল পৰিবহন বিভাগৰ লোকে ।
