মাজুলী, 27 জুন: সোমবাৰে ঘোষণা কৰা হ’ল উচ্চতৰ মাধ্যমিকৰ চূড়ান্ত বৰ্ষৰ ফলাফল (HS Result 2022)। এই ফলাফলত বানিজ্য শাখাত মাজুলী জিলাই লাভ কৰিলে বিশেষ সফলতা ৷ বাণিজ্য শাখাত ১০০ শতাংশ উত্তীৰ্ণৰে অসমৰ ভিতৰত প্ৰথম স্থান লাভ কৰিবলৈ সক্ষম হয় মাজুলী ।
বাণিজ্য শাখাৰ এই ফলাফলে মাজুলীৰ প্ৰতিজন লোকৰ মনলৈ কঢ়িয়াই আনিলে আনন্দৰ বতৰা । ইফালে এই বছৰৰ উচ্চতৰ মাধ্যমিকৰ ফলাফলত মাজুলী জিলাত বাণিজ্য শাখাৰ লগতে কলা শাখাত 87.04 % আৰু বিজ্ঞানত 78.80% উত্তীৰ্ণ হয় ।
বাণিজ্য শাখাত ১০০ শতাংশ উত্তীৰ্ণ হৈ অসমৰ ভিতৰত মাজুলীয়ে প্ৰথম স্থান লাভ কৰাত সুখী অনুভৱ কৰাৰ লগতে মনৰ ভাৱ প্ৰকাশ কৰিছে চামগুৰি সত্ৰ ৰাৱণাপাৰ আদৰ্শ উচ্চতৰ মাধ্যমিক বিদ্যালয়ৰ অধ্যক্ষগৰাকীয়ে । উক্ত বিদ্যালয়খনৰ পৰাও বাণিজ্য শাখাত 100 শতাংশ উত্তীৰ্ণ হোৱাৰ লগতে বিদ্যলয়খনত থকা শিক্ষকৰ অভাৱৰ সন্দৰ্ভতো মন্তব্য কৰিলে অধ্যক্ষগৰাকীয়ে (Majuli 100 percent pass rate in commerce stream)৷
লগতে পঢ়ক: ৰিজাল্টক লৈ সুখী শিক্ষামন্ত্ৰী: প্ৰদান কৰা হ’ব স্কুটী
