মাজুলী,1 মে': মাজুলীত ভোট গণনাৰ প্ৰস্তুতি তুংগত । অসমৰ ১২৬ টা বিধানসভা সমষ্টিৰ ভিতৰত এটা উল্লেখযোগ্য সমষ্টি হ'ল ৯৯ নং মাজুলী বিধানসভা সমষ্টি । এই বিধানসভা সমষ্টিৰ পৰা দ্বিতীয়বাৰৰ বাবে প্ৰতিদ্বন্দ্বিতা কৰিছে ৰাজ্যৰ মুখ্যমন্ত্ৰী সৰ্বানন্দ সোণোৱালে । মাজুলী জিলা প্ৰশাসন সাজু হৈছে ভোট গণনাৰ বাবে । দেওবাৰে পুৱা ৮ বজাৰ পৰা আৰম্ভ হ'ব ভোটগণনা । ভোট গণনাৰ বাবে মাজুলী জিলা প্ৰশাসনে সম্পূৰ্ণ কৰি তুলিছে যাৱতীয় কাম-কাজ ।
ভোট গণনাৰ লগত জড়িত লোকসকলৰ সম্পূৰ্ণ ক’ভিড প্ৰট’কল মানি ক’ভিড পৰীক্ষা কৰা হৈছে । মাজুলী জিলা প্ৰশাসনে ভোট গণনাৰ দিনা ১৪৪ ধাৰা জাৰি কৰিছে । তিনিটা হলত ১৭ খন টেবুলত, ১০৮ জন বিষয়াই ১৪ টা ৰাউণ্ডত কৰিব ভোট গণনা । বিজেপি মিত্ৰজোঁটৰ প্ৰাৰ্থী সৰ্বানন্দ সোণোৱাল, কংগ্ৰেছ মহাজোঁটৰ প্ৰাৰ্থী ৰাজীৱ লোচন পেগু, অসম জাতীয় পৰিষদৰ শিশুধৰ দলে, কমিউনিষ্ট দলৰ ভাইটি ৰিচং, নিৰ্দলীয় পাৰ্থী পদ্ম পেগুৰ ভাগ্য বন্দী হৈছে ইভিএমত ৷
লগতে পঢ়ক : চিকিৎসালয়সমূহে অভিজ্ঞতাৰ পৰা শিকিব লাগে: উচ্চ ন্যায়ালয়
