মাজুলী, 5 আগষ্ট: সমগ্ৰ ৰাজ্যৰ লগতে মাজুলীতো শুকুৰবাৰে উদযাপন কৰা হয় লোক কল্যাণ দিৱস । মাজুলী জিলা প্ৰশাসনৰ উদ্যোগত শ্ৰী শ্ৰী মাধৱদেৱ কৃষ্টি সংঘ খোনাচূক গড়মুৰত অনুষ্ঠিত হৈছে যায় লোক কল্যাণ দিৱস । ভাৰত ৰত্ন লোকপ্ৰীয় গোপীনাথ বৰদলৈৰ মৃত্যু বাৰ্ষিকী উপলক্ষে নদীদ্বীপ জিলা মাজুলীতো লোক কল্যাণ দিৱস উদযাপন কৰা হয়(Lok Kalyan Divas observed at Majuli) ।
ইফালে, লোক কল্যাণ দিৱস উদযাপনৰ লগত সংগতি ৰাখি প্ৰদান কৰা হয় লোকসেৱা পুৰস্কাৰ(Distribution of Lok Sewa Award by Assam govt) । মাজুলীত অনুষ্ঠিত লোক কল্যাণ দিৱস অনুষ্ঠানত উপস্থিত থাকে ৰাজ্যৰ কৃষি, পশুপালন, সীমা সুৰক্ষা আৰু অসম চুক্তি ৰূপায়ণ বিভাগৰ মন্ত্ৰী অতুল বৰা ।
লোক কল্যাণ দিৱসত উপস্থিত থাকি ৰাজ্যৰ মন্ত্ৰী অতুল বৰাই কয় যে, "আজিৰ দিনতো এক স্মৰণীয় দিন ।" কিয়নো ৰাজ্যৰ এগৰাকী পুৰুধা ব্যক্তিৰ মৃত্যু দিন । সেয়ে সমগ্ৰ ৰাজ্যতে আজি পালন কৰা হৈছে লোক কল্যাণ দিৱস ।
অতুল বৰাই লগতে কয় যে, কংগ্ৰেছে আজিৰ দিনটোত প্ৰতিবাদ কৰিছে । প্ৰতিবাদ কৰি লোকপ্ৰীয় গোপীনাথ বৰদলৈক চৰম অপমান কৰিছে । আজিৰ দিনতো এক পবিত্ৰ দিন । সমগ্ৰ ৰাজ্যতে আজিৰ দিনটোত লোক কল্যাণ দিৱস পালন কৰা হৈছে কিন্তু কংগ্ৰেছে আজি প্ৰতিবাদহে কৰিছে । কংগ্ৰেছে আজি দিনতোত গোপীনাথ বৰদলৈক শ্ৰদ্ধা জনাব লাগিছিল কিন্তু প্ৰতিবাদ কৰিছে সেয়াহে এক অশুভনীয় সংকেত ।
শেহতীয়াকৈ ৰাজ্যত বানপানীয়ে যি ধ্বংশলীলা চলালে তাৰ বাবে মুখ্যমন্ত্ৰী ড৹ হিমন্ত বিশ্ব শৰ্মাৰ নিৰ্দেশত বানপানী হোৱা প্ৰতিখন জিলালৈ এগৰাকী মন্ত্ৰী গৈ পৰিস্থিতি বুজ লৈছে আৰু সকলো জৰীপ হোৱা পিছত সেই লোকসকলক উপযুক্ত ক্ষতিপূৰণ দিব ৰাজ্য চৰকাৰে ।
তেওঁ লগতে কয় যে, অসমীয়া মাধ্যমৰ বিদ্যালয়ত গণিত আৰু বিজ্ঞান বিষয় দুটাক লৈ ইংৰাজী মাধ্যমত পাঠদান কৰাক লৈ যি বিতৰ্ক হৈছে তাক লৈ বিতৰ্ক কৰিব লগা একো কাৰণ নাই । গণিত আৰু বিজ্ঞান বিষয় দুটা ইংৰাজী মাধ্যমত হ'লেও কোনো ক্ষতি নহয় । ৰাজ্য চৰকাৰে অসম আৰু অসমৰ ৰাইজৰ ক্ষতি কৰা কাম কেতিয়াও নকৰে ।
লগতে পঢ়ক : Lok Kalyan Award Declared : 99 গৰাকী তৃতীয় আৰু চতুৰ্থ বৰ্গৰ কৰ্মচাৰীক লোক কল্যাণ পুৰস্কাৰৰ বাবে নিৰ্বাচিত
